牛知己 (已結業)

今次介紹嘅係元朗世宙商場地下既「牛知己」。主打韓式火鍋放題，價位由$188至$388(加一），食勻各款牛，豬，海鮮，仲有60款嘅火鍋配料😘作為屯門人，想打邊爐又吾想出去港島區，呢間係個吾錯嘅選擇😎.小編揀咗最俱人氣之選嘅「澳洲精選牛板腱+海鮮」放題！$268主攻澳洲牛板健，七款牛同海鮮～.【湯底】湯底有六種，其中雪濃湯同昆布清湯係免費鍋底，其餘都只係加$10~$20。雖然昆布清湯係免費湯底，但用料好充足，呢點令我幾surprise😆裡面有勁多昆布，厚實滑溜又帶點爽脆～.【牛肉】有澳洲牛板腱，美國極上牛肩肉同美國特產牛肉，食識一定係牛板腱同極上牛肩肉👍牛板腱油花豐富，肉質嫩滑又帶點Q彈。而牛肩肉口感紮實帶嚼勁【豚肉。雞肉】有美國穀飼Iberico 100%黑豚肉，特選豚肉，豚五花，無激素雞翼同雞腿肉。其中最推薦黑豚肉，超薄而吾會有過多脂肪，係鍋中涮幾秒，入口軟嫩嫩的.【海鮮】海鮮有原隻魷魚，紐西蘭半殼青口同大虎蝦，大虎蝦最值得一讚，夠大隻又厚肉😂.【火鍋配料。小食。熟食】係自助區有蔬菜，丸類，粉麵等配料，比較特別嘅有年糕，長洲大魚蛋，羽衣甘藍，仲有韓式炸餃子，薯條，吉列炸蝦，糖水，壽司🥳