影片
更多
2010-09-09
21 瀏覽
係大埔食韓國菜, 只會諗起高麗軒, 係openrice度知道有呢間首爾既存在, 睇過食評都唔錯, 又知係韓國人開, 一路都好想試下, 今日有機會啦.我地兩個人7:20pm到, 去到仲有last一張吉枱, lucky, 唔洗等. 即刻睇下有咩好食先, 叫左以下4樣野食加1罐zero, 所叫食物如下:-韓式粉絲配料有牛肉, 芽菜, 紅蘿蔔絲, 菜, 芝麻, 熱辣辣上枱, 好香, 食一啖, 芝麻好香, 牛肉醃得夠味啱啱好, 而蔬菜又增加咬口, 本身我都好like食粉絲, 而呢度亦整得幾好食, 係4樣食物裡面最啱我口味, 我一個人食晒咁濟呀!泡菜蒸餃成日都食煎餃, 今次試下蒸餃, 賣相幾討好, 外形好飽滿, 但味道一般, 因為我唔係好食辣, 而呢個餃有少辣, 只食左一隻.韓式(雞肉)石頭飯之前係上水食過石頭飯, 超好味, 但之後食過好多間都唔太好食, 見呢度有得食, 又試下啦! 加HKD5.00就可以係牛 / 雞 / 豬3樣中簡一樣, 我就簡左雞肉, 同侍應講左唔要辣, 佢話唔會好辣. 等左10分鐘到, 石頭飯熱辣辣上枱, 賣相好靚架, 排得好整齊, 但侍應好快就幫我地撈混個飯, 影唔切相添
我地兩個人7:20pm到, 去到仲有last一張吉枱, lucky, 唔洗等.
即刻睇下有咩好食先, 叫左以下4樣野食加1罐zero, 所叫食物如下:-
韓式粉絲
配料有牛肉, 芽菜, 紅蘿蔔絲, 菜, 芝麻, 熱辣辣上枱, 好香, 食一啖, 芝麻好香, 牛肉醃得夠味啱啱好, 而蔬菜又增加咬口, 本身我都好like食粉絲, 而呢度亦整得幾好食, 係4樣食物裡面最啱我口味, 我一個人食晒咁濟呀!
泡菜蒸餃
成日都食煎餃, 今次試下蒸餃, 賣相幾討好, 外形好飽滿, 但味道一般, 因為我唔係好食辣, 而呢個餃有少辣, 只食左一隻.
韓式(雞肉)石頭飯
之前係上水食過石頭飯, 超好味, 但之後食過好多間都唔太好食, 見呢度有得食, 又試下啦! 加HKD5.00就可以係牛 / 雞 / 豬3樣中簡一樣, 我就簡左雞肉, 同侍應講左唔要辣, 佢話唔會好辣. 等左10分鐘到, 石頭飯熱辣辣上枱, 賣相好靚架, 排得好整齊, 但侍應好快就幫我地撈混個飯, 影唔切相添 見佢落左d麻油同埋好多好多醬, 佢話d醬可以令個飯香d, 好食d, 混完之後, 成個飯變為橙色, 叫我地等一陣先好食.
一入口, d飯好淋, 無咩味, 係食到少少辣味, 唔算難食既, 唔啱我口味. 同埋好少雞肉, 話晒都比左HKD5.00, 只得3-4粒雞粒咋. 加上食晒成碟粉絲既原故, 已經飽飽地, 所以食左一半到咋. 下次我唔會再食佢地D石頭飯.
韓式辣汁牛肉湯
呢個係男友食既, 佢LIKE食辣, 但佢話呢個湯唔夠辣, 味道亦好一般, 佢食時仲後悔, 早知叫人蔘雞湯啦, 佢話下次都唔會再叫.
味道 : 只有韓式粉絲好食, 其他都好一般, 但大埔食韓國菜地方太小啦, 所以都會再去, 下次會試佢地既韓式烤牛肉, 因粉絲內既牛肉好好味, 男友就話要試人蔘雞湯.
環境 : 地方細細, 得十零張枱, 但唔算好迫, 都ok.
衛生 : 好乾淨同企理, 洗手間亦都好乾淨.
服務 : 侍應都好nice同有禮.
抵食 : 抵食架, 兩個人HKD183.00, 每人只係HKD92.00.
張貼
