影片
更多
2019-07-30
7759 瀏覽
有一樣韓國菜式，真係係香港未食過！講緊既就係韓式辣炒雞，朋友次次去韓國都必食，話我未食過簡直係“不可原諒”，話一定要帶我食一次，帶左我黎呢間韓國大型連鎖店！餐廳價錢韓國炒雞+鐵板烤肉任食最平午市$128起+10%，今日星期一晚市前來就$198+10%。自助區包括前菜、飲品、甜品，前菜有泡菜、沙律、酸黃瓜、雞絲等等，都係正路韓式前菜。飲品就唔係罐裝係果汁機，都有咖啡機，甜品就係自助雪糕。辣炒雞有6款味道可以揀，包括柳氏家辣炒雞、炭烤味辣炒雞、烤肉味炒雞、味噌蜜蜂炒雞，仲有兩款限定味道蒜香BBQ炒雞及四川麻辣風味炒雞。第一次黎食緊係食原味柳氏家辣炒雞。年糕份量都可以揀，要左標準份。另外加+$28升級海鮮，可選小八爪魚/八爪魚，揀左後者。飯麵就揀左飯，再升級$38要惹味芝士。柳氏家辣炒雞有餐牌教你點煮，不過店員有時都會埋黎幫手，咁上下加埋八爪魚入去再炒。雞肉好入味，冇雪藏味，但我就覺得唔辣，以甜味為主，年糕好煙韌，仲有蕃薯味添，而八爪魚同炒雞亦好夾，可能迎合返香港人口味故唔辣，但都好惹味。炒飯食完之後會炒飯/麵，你中意既話亦可以食緊雞時炒埋落去，朋友教韓國食法係食淨少少雞時仲有配料一齊炒係最
餐廳
價錢
韓國炒雞+鐵板烤肉任食最平午市$128起+10%，今日星期一晚市前來就$198+10%。
自助區
自助鐵板烤肉區
181 瀏覽
0 讚好
0 留言
包括前菜、飲品、甜品，前菜有泡菜、沙律、酸黃瓜、雞絲等等，都係正路韓式前菜。飲品就唔係罐裝係果汁機，都有咖啡機，甜品就係自助雪糕。
辣炒雞
柳氏家辣炒雞
88 瀏覽
0 讚好
0 留言
柳氏家辣炒雞升級惹味芝士
124 瀏覽
0 讚好
0 留言
升級海鮮/飯
212 瀏覽
0 讚好
0 留言
有6款味道可以揀，包括柳氏家辣炒雞、炭烤味辣炒雞、烤肉味炒雞、味噌蜜蜂炒雞，仲有兩款限定味道蒜香BBQ炒雞及四川麻辣風味炒雞。第一次黎食緊係食原味柳氏家辣炒雞。年糕份量都可以揀，要左標準份。另外加+$28升級海鮮，可選小八爪魚/八爪魚，揀左後者。飯麵就揀左飯，再升級$38要惹味芝士。
柳氏家辣炒雞
柳氏家辣炒雞
196 瀏覽
0 讚好
0 留言
柳氏家辣炒雞
63 瀏覽
0 讚好
0 留言
有餐牌教你點煮，不過店員有時都會埋黎幫手，咁上下加埋八爪魚入去再炒。雞肉好入味，冇雪藏味，但我就覺得唔辣，以甜味為主，年糕好煙韌，仲有蕃薯味添，而八爪魚同炒雞亦好夾，可能迎合返香港人口味故唔辣，但都好惹味。
炒飯
食完之後會炒飯/麵，你中意既話亦可以食緊雞時炒埋落去，朋友教韓國食法係食淨少少雞時仲有配料一齊炒係最好食，不過我地唔記得左留起啲芝士用黎炒飯，飯既份量好多，食完次之後其實真係已經唔洗再食烤肉。任食烤肉
豬梅頭扒
25 瀏覽
0 讚好
0 留言
鐵板烤肉
123 瀏覽
0 讚好
0 留言
鐵板烤肉
34 瀏覽
0 讚好
0 留言
蔬菜、丸類、海鮮及肉類都有接近30款，蔬菜有秋葵、三色椒、粟米等；丸類有芝士豆腐、芝士南瓜餅、雞肉腸等等；海鮮有太子貝、蝦、青口、魷魚；肉類有返辣炒雞、牛肉、牛仔骨、豬排、鴨胸、多春魚等，燒肉都可以包生菜食。由於我同朋友主力食辣炒雞，refill左1次，已經好飽，就係咁易燒少少海鮮食下，仲有like佢地FB有豬梅頭扒送，肉類都唔錯，唔會係好霉好削果啲，醃得入味，送果塊豬梅頭扒仲好juicy！
甜品
雖然好飽，但點都要幫襯下雪糕機
唔怪之得朋友每次去韓國都必食，果真好入味及惹味，就連配菜年糕都整得好好，炒雞加烤肉任食，絕對夠飽，會再黎幫襯試下佢其他口味！
張貼
