韓大叔大排檔

營業中

休息中

銅鑼灣食肆好多，韓大叔大排檔，入到嚟佢真係好似一間大排檔咁樣，佈置得非常好似大排檔，燈光打出嚟嘅感覺，真係享受緊一個好好嘅晚餐。韓大叔醬油拼盤 鮮蝦刺身食得多，刺身膏蟹第一次，加埋溏心嫩滑嘅鮑魚類入口香甜冇得彈，再加埋溏心蛋，完全係我喺食物當中第一次嘅組合，仲有跟住海苔飯 撈埋一次食，加埋啲汁非常吸引。牛肉石頭鍋飯攞埋嚟熱辣辣，啲牛a4和牛蓋喺面上加一隻雞蛋，完全有免治牛肉飯嘅感覺，但係佢當然唔係免治啦，係a4牛肉呀，食到尾飯朝仲暖笠笠。韓式鐵板燒護心肉 呢個鐵板捲心，入面放咗啲香蔥再加埋特製嘅汁醬，肉汁果然非同凡響好味。韓式熔岩起司蛋捲 呢個蛋捲色彩鮮明， 橙色白色鋪得非常有意思，望落蛋味香濃，芝士亦可口，值得一試。芝士泡菜煎餅好難得㗎一個芝士餅，加埋泡菜亦都有佢一定香濃味，好味道。Cass 啤酒 500ml 清淡香慢慢飲，唔使一啖飲晒㗎。桂花烏龍水果茶 ，香濃厚重色澤清幽，茶味香甜。