炑八韓烤 (瓊華中心) (已結業)

出左糧, 就請阿爸阿媽食餐好少少既, 阿爸一向好食牛, 阿媽就鍾意食海鮮, 所以就聽朋友介紹一齊去試下呢間韓燒, 等老豆同老媽子試下D潮野, 唔洗下下去酒樓食咁悶。作為孝順仔, 就好豪氣咁叫左個龍蝦套餐。睇下D龍蝦幾大粒, 仲要好爽口好新鮮, 勁快俾我地吞曬落肚。 不過好彩個套餐唔只龍蝦正, 八爪魚都好正, 同樣彈牙, 但佢用在D韓式醃料醃過, 燒起上黎食更加惹味, 搞到我都爬多兩啖飯。食住韓燒係有D熱, 所以叫左杯新出ge梳打, 飲完係涼爽好多呀, 不過呢杯梳打除左夠fresh, 仲要有魔法就係曉變色! 睇到我都呆一呆, 不過知道點解就原來都係D簡單常識姐,哈哈。 想知點解就自己黎搵答案啦! 見父母都食得好開心, 豪少少都係值既。