樸生 (已結業)

今晚相約左舊同事飯聚catch up下大家近況，地點係大家工作區的中間點，青衣城，仲可以晚飯後睇埋戲。Bobsang係一間新潮韓食餐廳，入門口左邊係食素食，右邊係食自助餐！我等吃貨當然行入右邊！坐低第一件事梗係點咗個火鍋先，有人蔘雞鍋同海鮮部隊鍋，部隊鍋仲有幾款口味可以揀！ 我地揀咗人參雞鍋，因為好清甜可以當湯飲！飲到夠就攞嚟打邊爐！外面有多款熱葷，亦有火鍋配料選擇。特選牛肉同豚肉都幾靚仔。仲有炸雞任點，而且好多款醬料配備！每位送一款限定美食，我哋揀咗芝士焗元貝一啲都唔膩，因為加咗好多爽口嘅菇。石頭鍋飯都有得玩！自己盛飯自己加配菜放上 電磁爐自行燒熱出飯焦就食得。有得食又有得玩又幾過癮。甜品區都吸引！仲有迷你朱古力噴泉同迷你棉花糖機！以二百零蚊可以任食韓食真係幾抵食，冇乜地方有，食一餐炸雞都唔止呢個價！韓迷絕對要黎大刷一下。