影片
更多
2019-05-14
1814 瀏覽
依家嘅素食店越開越多，就算唔喺打正旗號賣素食，一樣會加入一啲素食菜式。最近，食友試過中環嘅「Kim's Bowl」，覺得唔錯就推介俾我，而餐廳又近我公司，撞啱今晚無飯開，行過嚟食埋晚飯先返歸。餐廳位於「花園道3號」LG層嘅零售區，晌度有便利店、咖啡店及餐廳。外面有好多露天位，但是夜落雨，乖乖留晌室內。雖然中庭有好多梳化位，不過，全部都喺茶几枱，嘆咖啡就可以，食正餐就唔太就手；幸而，餐廳本身都有少少高腳枱櫈，但個人就覺得啲櫈矮咗啲。晌啲日本餐廳，鋪面好鍾意擺放啲食物「樣辦」吸引客人，亦當喺俾人有個參考，而「Kim's Bowl」都有，不過，喺簡化咗嘅圖像版。然而，想確切想知道有咩食，就要抬頭睇睇上面嘅電子餐牌。不過，並非一次過打晒出嚟，而喺不斷轉換圖片，幸而，佢哋有啲單張，索性掃描好再貼出嚟，咁一目了然知道有咩選擇。單張裡面，主要介紹恆常提供嘅各款菜式及套餐，此外，佢哋仲有啲「每周精選」供應。而飲品方面，單張亦講得唔多，其實，實際有好多選擇。除餐飲，兼營少少零售，就喺梨花園韓國傳統茶系列，如柚子茶、紅棗茶、生薑茶、蘆薈茶，以及泡菜。韓式素食拌飯 $82 友人簡簡單單揀咗個拌飯，不過，特色
餐廳位於「花園道3號」LG層嘅零售區，晌度有便利店、咖啡店及餐廳。外面有好多露天位，但是夜落雨，乖乖留晌室內。
雖然中庭有好多梳化位，不過，全部都喺茶几枱，嘆咖啡就可以，食正餐就唔太就手；幸而，餐廳本身都有少少高腳枱櫈，但個人就覺得啲櫈矮咗啲。
晌啲日本餐廳，鋪面好鍾意擺放啲食物「樣辦」吸引客人，亦當喺俾人有個參考，而「Kim's Bowl」都有，不過，喺簡化咗嘅圖像版。
然而，想確切想知道有咩食，就要抬頭睇睇上面嘅電子餐牌。
不過，並非一次過打晒出嚟，而喺不斷轉換圖片，幸而，佢哋有啲單張，索性掃描好再貼出嚟，咁一目了然知道有咩選擇。
單張裡面，主要介紹恆常提供嘅各款菜式及套餐，此外，佢哋仲有啲「每周精選」供應。
而飲品方面，單張亦講得唔多，其實，實際有好多選擇。
除餐飲，兼營少少零售，就喺梨花園韓國傳統茶系列，如柚子茶、紅棗茶、生薑茶、蘆薈茶，以及泡菜。
韓式素食拌飯 $82 友人簡簡單單揀咗個拌飯，不過，特色在於喺素食版，但同樣有好多料，包括：素牛肉、紅蘿蔔絲、白蘿蔔絲、蛋絲、紫菜、翠玉瓜絲及毛豆粒，色彩繽紛，而白飯分隔晌底層，將所有材料拌勻就食得，啲素牛肉比預期好食，像度又高，喜歡辣辣哋嘅朋友可以問店員拎啲甜辣醬，更有風味。事後問問店員，佢話啲素牛肉喺從韓國引進。
泡菜豬肉韓式便當 $80小弟就揀咗個豐富啲嘅便當，除咗有泡菜豬肉外，亦拌有多款韓式前菜，計有鵪鶉蛋、辣蘿蔔絲、魚仔乾、漬蓮藕、漬茄子及炒粉絲，款款前菜都各有特色，味道不俗；至於啲泡菜豬肉，有一定辣度，刺激惹味，撈飯一流，啲飯亦好軟熟。
上文都提及過佢哋有零售「梨花園韓國傳統茶系列」，原來，近來更推廣一款梨花園濟州蜜糖青橘子茶，原樽560g賣$45，唔貴喎。不過，我哋就揀咗由呢款青橘子茶做嘅特飲，散點賣$38，凡惠顧任何食品，就可以用優惠價$18買到。
冷泡綠茶、雜莓樂園 +$18前者以綠茶加入蜜糖青橘子茶及一啲香橙片，友人話綠茶味好幽香，慢慢滲出青橘子嘅清香，感覺幾特別；後者就以梳打溝埋青橘子茶，再混入少少雜莓，入口冰涼清爽，青橘子晌梳打嘅襯托下，甘甜味更突出。
「Kim's Bowl」嘅定價唔平，相信跟所處嘅位置有關，始終樓上就喺啲甲級寫字樓，鋪租都相對高。然而，喜歡韓食，又想貪方便，兼有啲質素，「金飯碗」喺個唔錯嘅選擇。
張貼
