影片
更多
2020-09-03
176 瀏覽
朋友介紹呢間新開嘅韓國餐廳，既然喺尖沙咀返工，在順便去試吓。入到去發覺好多Staff都係韓國人，但用英文都尚算溝通到。首先到嘅係前菜，個Staff話係免費任添，但我哋想留肚食主菜，所以就冇再嗌。感覺好正宗，辣得來幾開胃👍🏽叫咗四隻炸餃子，少少油，但真係好香。層外皮脆，裏面有啲軟熟嘅粉絲，好有驚喜！主菜之一嘅炸醬麵。糖醋肉配芝麻，青瓜，整體唔油唔膩，重點係好大碗！一個人食唔晒，兩個人食又爭咁啲。所以我哋再嗌多個辛辣海鮮麵。海鮮包括青口、魷魚、蝦。湯底辣得來有層次，好有韓式辣味嘅感覺。又係好大碗。兩款面個面底其實一樣，有啲似拉麵，軟熟彈牙！食食吓發覺隔離好多食客都講韓文，一路食以為自己真係去咗韓國。埋單$268，食lunch來講唔算特別平，但整體來講，環境、氛圍、食物質素，絕對係值得再幫襯嘅韓國餐廳！
入到去發覺好多Staff都係韓國人，但用英文都尚算溝通到。
首先到嘅係前菜，個Staff話係免費任添，但我哋想留肚食主菜，所以就冇再嗌。感覺好正宗，辣得來幾開胃👍🏽
叫咗四隻炸餃子，少少油，但真係好香。層外皮脆，裏面有啲軟熟嘅粉絲，好有驚喜！
主菜之一嘅炸醬麵。糖醋肉配芝麻，青瓜，整體唔油唔膩，重點係好大碗！一個人食唔晒，兩個人食又爭咁啲。所以我哋再嗌多個辛辣海鮮麵。
海鮮包括青口、魷魚、蝦。湯底辣得來有層次，好有韓式辣味嘅感覺。又係好大碗。兩款面個面底其實一樣，有啲似拉麵，軟熟彈牙！
食食吓發覺隔離好多食客都講韓文，一路食以為自己真係去咗韓國。埋單$268，食lunch來講唔算特別平，但整體來講，環境、氛圍、食物質素，絕對係值得再幫襯嘅韓國餐廳！
張貼
