Chicken Pocha (已結業)

行到大窩口，唔知食咩好，咁啱見到有間韓國小店價錢OK咁就入去試吓，我諗呢間都開咗一段時間，但係一直都冇為意佢嘅存在，小店細細間大概有五至六張枱，晚上10點幾先來食已經冇咩人，侍應姐姐熱情招待我地。叫咗三樣嘢食：辣炒年糕，夠辣，年糕彈牙仲有韓國魚蛋，年糕夠淋好入味，醬汁夠辣好惹味芝士泡菜炒飯：芝士混埋雞蛋圍邊，泡菜同泡菜汁炒飯，呢個唔係太辣加埋啲蛋同芝士好好味，成個飯都好濃泡菜香！流心芝士卷蛋：卷蛋入邊有濃濃同好厚嘅芝士，一切開啲芝士好似流心咁流晒出嚟，勁正！見其他枱同的外賣都有叫炸雞，我諗應該炸雞都出名，下次可以試吓！