阿里郎熱狗棒 (已結業)

下午同男朋友行旺角時經過呢間韓國街頭小食店，勾起我旅行既回憶，二話不說買左幾樣野食止下癮。鴛鴦芝腸熱狗棒點完即刻炸起，外層麵包炸得鬆脆，裡面一半係拉絲既芝士，一半係熱狗腸，一次過滿足晒你兩個願望。蝦多士拎上手熱辣辣，材料豐富，有蝦餅、煎蛋、椰菜絲、青瓜，仲有甜甜地既醬汁，我自己就幾鍾意。雪米糍係新產品，揀左兩款黎食。裸裝柑橘包住原個柑橘，底層有一層紅豆。柑橘酸酸地，咬落冰感十足。牛奶似平時食既雪米糍，底層都係有紅豆。