食道樂 (嘉華大廈) (已結業)

今日係荃灣享和街整完車，順便食個午飯，太耐冇去韓國，太掛住韓國美食，經過呢間韓國小店，細細間，約10個座位，入面店員都係講韓文，識少少廣東話，睇黎應該都係幾正宗既韓國菜。店員先上韓式小菜，泡菜超好食，仲可以買走。辣炒豬肉蓋飯 豬肉醃得好惹味，肉質非常軟熟，配埋洋蔥、蘿蔔絲，蛋一齊食，真係好正，只係微辣，唔食得辣既我都冇問題。海鮮嫩豆腐湯 (配白飯) 呢個豆腐湯超濃味，同之前去韓國食既一模一樣，配料超多，有青口、蝦、八爪魚，金菇，當然唔少得豆腐，豆腐超級滑，配埋白飯真係可以食哂一碗。