OOULI

營業中

休息中

餐廳位於銅鑼灣Sugar+，以新鮮材料入饌，主打多款正宗韓國釜山菜式。景色優美，窗邊位可以望到海景同維港景色，座位闊落，空間感十足，適合同閨蜜或另一半嚟聚餐。Deul Kkae -Juk 韓國傳統粥品，加入蔬菜、牛肉、蜆肉等熬製15小時，自家製大米煮至融化，配上鹹香米餅令到整體口感更加豐富。Jill - Tang，海鮮清湯採用韓國直送紅魚，上面打上泡沫，飲落清甜，裡面有粒粒蘿蔔，增添口感、鮑魚十分鮮甜，令人胃口大開。Jan Chi 澳洲和牛，油脂感滿滿，咬落鮮嫩多汁，調味適中，配上自家製蘿蔔蓉，洋蔥同菇、感覺唔油膩。烤鰻魚外皮微微脆又帶點煙韌，肉質好嫩，入口即化，下面有薯蓉，配埋少少辣嘅自調海鮮汁，值得一試。JinSu - Sung Chen，米飯用韓國特別訂製蒸飯機即時煮製，軟糯可口，搭配黑豆、醃製芝麻葉、魚仔等，感覺地道。旁邊附上自家製新鮮魚湯，清甜美味，配飯一流。