首首.韓式小館 (已結業)

環境5分：西餐廳嘅格局，樓面都算幾高，燈光足夠，非常之有格調，卡位就最闊最舒服，枱橙又得意，冇得挑剔，滿分。衛生5分：連Ｄ餐具都乾淨到發光，都係滿分。服務5分：服務員都好好人，會主動介紹下午茶套餐最抵，又會話你知邊Ｄ係招牌菜，落單快手，上菜又爽手，Ｄ污漕碟又清得快，滿分。味道5分：1)      香烤蒜粒醬油雞翼有六隻雞翼加十二粒蒜頭。雞翼層皮好脆，個甜汁剛剛好，Ｄ蒜頭唔油又夠香，好食畀五分。2)      四塊自家製蝦餅好有韓國feel，炸得夠香口就唔再話下，個蝦餅爽到呢，一Ｄ都唔油果下先夠堅，點埋果個秘汁真係超級好味。3)      普通Ｄ啤酒都冇乜嘢好講，但係果杯韓國生啤隻不鏽鋼杯嘅保凍度超強，杯啤酒凍到爭D要等一陣先可以飲，要再加分！抵食4分：環境好，服務好，嘢食又好，咁嘅價食個韓式下午茶好ＯＫ，可以畀四分。