炑八韓烤 (已結業)

今日放假食lunch去左炑八韓烤。 呢間食韓國嘢嘅餐廳要上一層樓唔係喺地下嚟嘅 。 有揼本裝修嘅，再加埋輕快嘅韓曲進餐環境唔錯。呢度最出名咁當然係食燒烤啦，但係我哋唔想咁熱氣所以都係叫咗套餐定食就算。我哋叫咗一個韓式薯仔豬肉飯同埋 一個石頭鍋牛肉飯再加咗杯柑橘特飲。個韓式薯仔豬肉飯唔係好夠味，同埋煮法似中式唔覺係韓式。個石頭鍋飯就係韓式煮法。佢嗰碟辣醬係最好食嘅，辣得嚟帶甜味。但係啲牛肉就實在太少啦，喺度食食下都冇餸送飯柑橘特飲係用梳打水加啲攪爛咗嘅鮮橙肉係底 再加咗少少薄荷味。個味道混合一齋就好豐富，好好飲！要畀個意見佢哋就係 啲餸嘅份量要加多少少!!