뽀끼 正宗韓國小食 (已結業)

同朋友經過開油麻地廣華街, 見到呢間好特別既韓國小店, 於是我地就趁食lunch之前, 食d韓式小食充饑。我地首先叫左奧丁。奧丁好似港式魚蛋, 奧丁大件兼爽口, 佢以一支大竹籤串著。服務員服務非常好, 佢會同你拍一下手掌先呈上已預備好嘅小食, 好得意既文化！接著我地叫左一碗醬烤雞, 醬烤雞嘅外觀非常吸引, 醬烤汁好濃味, 烤雞亦充分吸收到醬汁既味道 佢既辣年糕亦都值得推介,辣年糕好煙韌, 好正宗同地道, 好適合在寒冷天氣下食用, 以取暖!我地亦叫左泡菜炒飯加雞蛋。泡菜炒飯係新鮮即叫即做, 呈上的時候還是熱哄哄的呢！炒飯的味道好特別, 好似真係去左韓國食泡菜炒飯。最後再買左沙冰飲, 佢有三層的, 分別係士多啤梨味,芒果味同青蘋果味。飲完好舒服, 減輕左食完泡菜炒飯在口中既辣氣喺街邊食韓式小食,別有一番風味呢~