九重鮮 (已結業)

小編一直都想搵一間高質蒸鍋海鮮+放題，見到位於紅磡既九重鮮好評如潮，而且可以食足3.5小時，早幾日就約左朋友黎一探虛實😝我地簡左B餐弘益塔($268)B餐包含了每人1份既龍蝦、帶子同埋鮑魚；另外有多達4款蜆同海蝦任點任食！啖啖肉既龍蝦、肉厚鮮甜既帶子、爽口彈牙既鮑魚、冇沙肥美既蜆同埋生猛既海蝦，每一款海鮮都非常新鮮，唔洗點醫料都食到當中既鮮甜味美😋雖然係主打蒸鍋海鮮，但其他放題食物都絕對唔失禮，有多達40幾款串燒、烤肉、天婦羅任君選擇，可以一次過品嘗到中日韓台泰既唔同口味。由於選擇真係太多，為左避免眼闊肚窄成為大哂鬼😂我地就簡左餐紙推必食既韓式一口牛、水牛城雞中翼、京蔥牛肉串、海鹽燒牛脷串、吉列炸蝦同吉列炸蠔等，果然款款串燒都好入味，烤肉唔會烤到好乾，天婦羅亦都香脆可口，好值得推薦👍🏻 另外，大推自家研發韓風銀子燒！錫紙包住蜆同海蝦一齊燒烤，當中韓式粉絲吸收哂麻辣醬汁既精華非常入味，令人食唔停口～終於黎到最後一層既粥，粥底一開始果陣我地簡左豬手，一打開蓋就已經見到兩件大豬手，果然足料天然冇味精既粥吸收左上幾層既海鮮精華，食到淡淡既鮮味☺️ 最後既椰皇甜品，簡直為呢餐飯畫上完美既句號！面層