高麗軒韓國料理 (已結業)

呢間店名叫“高麗軒” 一聽就知係食韓國菜，仲要係韓燒放題。店舖位於尖沙咀金巴利道，行落樓梯就會到餐廳。放題時段4人以上為2小時，如果無人等位，會cut 單，但唔會趕你走。我哋一行6人，因預先訂枱，所以安排左vip 房，岩哂慶生聚會。 房內有2個爐，而且闊落。飲品係任飲，可以在冰桶自行選擇。等齊人就開爐，開始計時，所有野食係用手機落單，非常方便，上菜亦都好快。首先梗係要食必備嘅韓國前菜啦，6-7款選擇，全部都好味要encore。食物除咗肉類，海鮮，一品料理，熟食亦有6款湯品。食物味道亦很好，大家都食到好滿足。只係可惜放題無包括甜品，但自帶蛋糕係冇需切餅費，呢方面幾好。