MOMOJEIN Korean Restaurant (已結業)

韓式西餐香港好少有，我咁鍾意試新菜，知道有新當然要去試一試先啦第一道菜係Gujeolpan，有三種唔同顏色粉皮，粉皮煙煙韌韌，有啲似印度薄餅咁。每塊粉皮隨意包住啲甘荀絲、蘿蔔絲、木耳絲、蛋絲、冬菇絲⋯⋯等等，然後點兩款醬食，一款係豉油加麻油再有啲芝麻，一款係似沙律醬，酸酸甜甜，口感皮好軟熟，各樣絲又脆，再點醬食好味道停唔到口。第二道菜係Korean  Fried  Drumstick ( Original )，炸起滾熱辣，皮脆到卜卜聲，肉嫩又多汁，要用手嗱住食先最好味呀。第三道菜係Kalbi  &  Grilled  Vegetables，睇樣都已經流口水，外面燒到燶燶地，入面仲係粉紅色，再搽上好似蜜糖嘅汁燒完，咬落口嫩滑多汁，唔洗點醬都好好味道喇。最後因爲晚餐時段仲有Happy Hour，酒精類有買一送一，又或者叫碟炸雞，都可以免一杯飲品。