Mad for Garlic (已結業)

​ 夜晚想出街食飯，臨急臨忙約咗個朋友陪我食飯，都真係幾有義氣。 收完工都八點幾，去到食嘢都九點幾，餐廳原來11點關門，所以九點幾去食都冇問題，最好就10點半之前走啦。 今晚大家都唔係太想食肉類，所以都係揀咗一個意粉同埋飯分享。 蒜香忌廉汁蟹肉及龍蝦肉意粉＄158 意粉最特別之處就係佢唔係普通西式嘅意大利粉，係比較幼身而且比較硬嘅，好有口感架！特別有風格，而且材料十足，雖然蟹柳係彷蟹柳，但係龍蝦同埋一啲細細粒嘅蟹肉就係真正，爽口有鮮味，蒜香味道不算突出，不過忌廉味濃郁，很香。 韓國泡菜、蘆筍、香草豬肉炒韓國牛油飯＄158 不用擔心泡菜味太過濃郁的煩惱，泡菜味淡淡的不會抹煞胃口，其他材料五花八門，份量平均得來有豐富，牛油飯可以話有少少油膩，不過就真係唔會「濟」，而且豬肉都係炒得好香的。辣味都係好輕微，不妨一試。 西柚特飲＄36 紅莓白酒特飲＄42 朋友就選擇了西柚特飲，很清新的， 我的紅莓白酒特飲包含了莓香以及白酒的香味， 看起來好像紅酒其實都是白酒混合而成的。 小小酒味大概不容易喝醉。