Kbites (已結業)

韓流襲港，太陽的後裔成大家閑暇話題，韓式食肆自然也大熱起來，厚和街一帶國際美食雲集，要成為出眾既一間都要集平靚正於一身，呢間Kbites就做到以上幾點。鋪位細細，主要做街坊外賣生意，希望小店可以迄立不倒，越做越旺今次真係有選擇困難症，事關得兩個人食，理論上叫兩個主菜就OK，但偏偏樣樣都好吸引，所以就顛一次叫三樣嘢，今次真係難為了肚皮...哈哈！黑豚肉拌飯配溫泉蛋 $55主要材料有黒豚肉、溫泉蛋、紅蘿蔔絲、豆芽、菠菜、木耳絲，再拌入甜甜辣辣既醬料，整個飯最靈魂係個醬，越食越開胃，但食完唔會口渴，黑豚肉感覺似普通豬肉（呢個價錢當然唔會有驚喜），而飯粒粒飽滿，份量亦唔少，將所有材料混晒一齊會覺得超好食，必食推介!韓式牛肉炒冬粉 $55材料同上面拌飯差唔多，但呢個冬粉好明顯比下去，因為味道偏淡，而且唔似出面有白芝麻同蔥，所以唔太吸引，但冬粉煙靱度係OK既。泡菜豆腐肥牛熱湯 (配白飯) $60呢個又係超愛，熱湯甜中帶辣，好香好惹味，唔太食得辣既我都大啖大啖食，泡菜既辣已經煲晒出嚟，所以淨食泡菜唔覺辣，豆腐又軟又滑，而肥牛又唔會過熟變靱，所以整體比Hungary Koxxx好味得多，又一推介！