韓牛牧場 (已結業)

呢日放工約咗朋友喺銅鑼灣食飯，我哋揀咗食韓燒。見到呢間幾抵食，我地揀咗世子牛盛套餐🤪🤪主打韓牛壽司同美國安格斯牛，燒肉用韓式光波自轉燒烤爐，好特別，第一次試，無乜油煙好方便。🔸燒烤放題每枱仲會送韓牛刺身壽司、醬油蝦、羊架！除咗燒肉，最正係仲可以食埋刺身壽司🍣選擇好多，幾新鮮！🔸主食及小食仲有好多款韓式主食如泡菜炒飯、炒年糕、海帶牛肉湯等等，另外小食都有好多款，最推介天婦羅，炸得香脆足料，個皮唔會好厚！炸芝士年糕熱辣辣，煙煙韌韌好好食😋🔸自助區主要有海鮮冷盤、前菜沙律、生果、飲品同甜品，超級多款韓式罐裝飲品任揀任飲，剩係飲品都花多眼亂😆甜品區都係以韓式雪米糍同雪條為主，有韓國雪條Melona揀～不得不提，職員態度好友善，自助落單好方便，上菜速度非常快而且準確👍🏻餐廳新開都坐得幾舒服，好適合同朋友聚會！📍#韓牛牧場 (#銅鑼灣美食)銅鑼灣登龍街28號永光中心3樓