影片
更多
2022-11-21
145 瀏覽
約左個好耐無見嘅舊同事食晏，唔想行太遠，近近哋去左公司附近呢間新開嘅「一韓燒」。餐廳裝潢有別於一般韓燒店，環境寬敞闊落，座位非常舒服，入面完全無油煙味。店內有一大幅油畫牆壁，色彩繽紛，充滿童趣，嚟打卡一流。先細看餐牌，餐廳有套餐供應，當然亦可以散點。套餐選擇很豐富，共有 11 款，大部份都會包白飯、韓風湯、前菜或沙律。我哋每人點左一個餐，另外再追加左幾款肉。韓式菜包黑毛豬五花 ($67) 呢個係生酮餐，唔跟白飯，但就會配有生菜、包肉醬、洋蔥、蒜片、泡菜、青辣椒、迷你沙律同韓風湯，一於飽住瘦身。黑毛豬五花肉味非常濃郁，肥瘦比例均稱，燒過後肉質爽口又不肥膩，點埋個醬汁，再用生菜包住嚟食，味道更加清新。牛小排拼橫膈膜肉 ($162) 牛小排油花綿密均勻，肉質柔軟鮮嫩，入口香味四溢。橫膈膜肉味道亦唔錯，肉質細嫩，而且勁多肉汁，牛味越食越出。至於單點嘅肉類就揀左：黑毛和牛A4牛肩胛 ($70)、黑毛和牛A4肉眼蓋 ($50)、牛板腱 ($48) 同 美國牛仔骨 ($41)。兩款和牛嘅牛味都好重，牛肩胛油脂分佈適中，烤 7 成熟啱啱好。肉眼蓋味道亦相當討好，一放入口就已經感受到油香，絕對係味覺
約左個好耐無見嘅舊同事食晏，唔想行太遠，近近哋去左公司附近呢間新開嘅「一韓燒」。
餐廳裝潢有別於一般韓燒店，環境寬敞闊落，座位非常舒服，入面完全無油煙味。店內有一大幅油畫牆壁，色彩繽紛，充滿童趣，嚟打卡一流。
先細看餐牌，餐廳有套餐供應，當然亦可以散點。套餐選擇很豐富，共有 11 款，大部份都會包白飯、韓風湯、前菜或沙律。
我哋每人點左一個餐，另外再追加左幾款肉。
韓式菜包黑毛豬五花 ($67) 呢個係生酮餐，唔跟白飯，但就會配有生菜、包肉醬、洋蔥、蒜片、泡菜、青辣椒、迷你沙律同韓風湯，一於飽住瘦身。
黑毛豬五花肉味非常濃郁，肥瘦比例均稱，燒過後肉質爽口又不肥膩，點埋個醬汁，再用生菜包住嚟食，味道更加清新。
牛小排拼橫膈膜肉 ($162) 牛小排油花綿密均勻，肉質柔軟鮮嫩，入口香味四溢。橫膈膜肉味道亦唔錯，肉質細嫩，而且勁多肉汁，牛味越食越出。
至於單點嘅肉類就揀左：黑毛和牛A4牛肩胛 ($70)、黑毛和牛A4肉眼蓋 ($50)、牛板腱 ($48) 同 美國牛仔骨 ($41)。
兩款和牛嘅牛味都好重，牛肩胛油脂分佈適中，烤 7 成熟啱啱好。肉眼蓋味道亦相當討好，一放入口就已經感受到油香，絕對係味覺嘅一大享受。
牛板腱肉色鮮紅明亮，食落既有肉嘅原味又充滿油香，入口即化。牛仔骨肉香十足，質感爽嫩有咬勁。
另外仲點左 2 款飲品：柑藍白桃梳打 ($28)、紅柚荔枝梳打 ($28)，2 杯嘅造型都勁搶眼，最啱影相呃 Like，而且味道都好 fresh，食完韓燒飲，真係好舒暢！
本來仲想點甜品，可惜平日要晚市 6pm 先開始有得供應，下次要校啱時間再嚟過。
張貼
