新麻蒲 BBQ (波斯富街) (已結業)

以前食韓燒係有幾多食幾多，唔理食物質素，因為哩類韓燒比較平。但而家發現有啲韓燒餐廳唔止食物質素有保證，價錢仲好合理。我上星期同女朋友去咗新麻蒲BBQ食，好鐘意入面好多卡位，私人空間非常足夠。值得一提嘅係餐廳既一部份係韓國人，但佢哋嘅英文都好好，會一路guide住你點燒，我先知原來燒牛肉要加塊厚板先燒，其餘牛肋排五花肉就直接用個網燒。佢哋提供嘅小菜真係令人嘆為觀止，又有海帶又有沙律又有泡菜，味道仲要唔錯。食完啲比較清新既小菜係時候食烤肉啦！我地叫咗個牛肉套餐，主要有霜降牛肉、牛肋排、五花肉，一啲配料同部隊鍋。我哋有底層燒起，首先係五花肉，非常香口，脂肪比例平均。然後就係將個霜降牛肉同牛肋排，各有各特色，霜降牛肉無咩筋，肉質相當幼嫩，燒到外皮香脆更正。牛筋排牛味較重。最後就係一啲配菜，有蘑菇，香腸、大蝦和年糕。份量出乎意料地多，味道一流。未完架，套餐仲有一個部隊鍋，湯底泡菜味好濃，唔太辣，配料亦都好足夠，公仔麵加上年糕、金菇、午餐同肉腸仔，兩個人食埋個部隊鍋真係好飽。以後想食韓燒一定會再嚟新麻蒲BBQ。