韓舍 (已結業)

今日同家人一齊試食呢間韓燒流水蝦放題，聽個名以為係日本流水食事，點知只係在枱邊放個活水魚罁，有d令人失望。不過話分兩頭，佢哋d蝦絕對新鮮，游水活蝦，自己夾自己燒。d蝦又大隻又多糕，店員介紹話係採用羅氏大蝦，由頭到尾都有肉。我地一次過燒左十幾隻，放滿大半個燒架，場面真係何其壯觀。同時放題燒肉任食，食品種類算多，佢哋仲提供數十種甜品。價錢雖然不算平/抵，但大家可以一試。