BBQ 7080 (已結業)

自從韓遊期間，食過勁好美的韓燒就念念不忘……好想係香港搵到個種味道！係香港，唔想排隊等食，晚飯一定要book定位！韓燒在香港越黎越盛行，選擇眾多，好難揀，最後訂左BBQ7080，因為見佢好多好評，即管試試。6:30到達，侍應用韓文歡迎我們，咦？原來咁早都已經有幾檯燒緊啦！限時90分鐘，凳可揭開，放隨身物品，不錯牆壁上好多畫，幾得意，點左什錦牛，可能我對牛冇乜研究……只是身邊那位人兄喜歡牛，順下佢意思再叫左兩串八爪魚，睇下夠唔夠先再叫！先有凍豆腐，蕃薯/薯仔和泡菜既前菜，有醬料，凍麥茶及生菜好多野甘……什錦牛送到，看上去好像好新鮮，細細碟，但二人都幾飽，有牛肋排，調左味，不錯雪花牛，油脂豐富，好淋，夾生菜好正！仲有牛舌，冇乜味，沾上面前有洋蔥既汁好食好多，仲有冇調味過既牛肉，有牛肉原味！雖然記唔晒有咩，但是不錯！追加左辣炒豬腸，勁辣……醬汁可以再濃d更加好，豬腸幸好冇異味，幾煙韌！至於八爪魚sauce甜甜地，好味道！侍應好勤力，每當爐開始燒到濃濃地，就換，又refill 菜，幾好招呼結賬仲會送上口香糖及糖