奇納百川 (已結業)

環境:入到去得三張窗邊海景枱，裝修簡約風，座位闊落。夜晚七八點去到餐牌上好多嘢食都賣晒，特別係甜品全部都冇，入去前記住喺門口睇餐牌，睇吓啲嘢食有冇賣晒先。食物👍🏻三文魚子海膽忌廉醬烏冬 $188依個值得一試味道特別，可以先食烏冬加醬汁試試，再試加三文魚子一起食又另一番風味，三文魚子同海膽份量都多，烏冬彈牙煙靭。👌🏻烤煙腩蛋黃忌廉手搓粉 $168手搓粉比較少見，所以叫咗黎試下，個味道好似淡版卡邦尼，鍾意食淡味嘅人好啱，但食開鹹既另外配午餐肉食會更好。👌🏻薯格配香辣蛋黃醬 $58反而薯格有驚喜，十分之脆口，放耐咗都脆口，加上香辣蛋黃醬好嘢味。👌🏻 荔枝烏龍茶 $48意外地荔枝同烏龍茶味道好夾，甜度正常。👎🏻炸午餐肉條配芝士醬 $68唔好食！無炸粉唔脆口但好油膩，午餐肉好鹹，掩蓋晒芝士醬味，加上芝士醬本身好淡，冇濃郁嘅芝士味，好似溝咗水。