K-POT 部隊鍋 (已結業)

自從2007年喺韓國公司打過工後，就開始對韓國野著迷，無論韓國料理、化妝品、gmarket、韓戲、韓文通通我都鍾意。近年香港開咗好多韓國食肆，韓式小食店、韓燒、醬油蟹、部隊鍋，百花齊放。最近啲年輕同事話部隊鍋好食，我就完全搭唔到咀好似好out咁 ，其實我未食過部隊鍋，為咗試下咩叫部隊鍋，今晚我專登約埋2位朋友一齊試下，上網睇見荃灣有間K-Pot地點又方便，咁就去試下啦。呢度喺德華公園對面，個招牌好大個掛喺大廈外牆，離遠見到一樓燈光火猛，就知喺度了。店裡面嘅環境光潔整齊，設計簡單時尚、開揚闊落一望落去就覺得好舒服，我忍唔住咁周圍影相。近窗口圓枱位係落地玻璃望到對面德華公園，對住街景一啲都唔焗促。場中間嘅多數係4人枱同大枱，枱與枱間就有圍板間住，自成一角，感覺比較有私隱。呢度嘅電視播緊k-pop，節奏輕快，韓迷必愛。食物亦都好集中好整齊咁放食物吧枱，仲有好多吸引眼球嘅野，係女仔都應該鍾意好似有架爆谷車啦、乳酪雪糕機啦，可以要乳酪又得、雪糕又得，又或者係兩溝亦得，仲要有好多Topping任放和果醬、果汁機有橙汁、蘋果汁、提子汁、6款汽水任添、當然仲有蛋糕櫃啦呢度醬料都有咁多款：辛辣醬、辛辣