影片
更多
2019-05-15
734 瀏覽
韓式原來都可以做放題，呢間放題店加入埋韓式食物，整個日韓放題，坊間真係好少放題店係以日韓做主打，本身自己又中意食韓國野，就一於黎試下。餐廳環境位於商廈，都唔算難搵，不過商廈門口有啲細，好易Miss左，餐廳牆內有繽紛既畫做裝飾。收費價錢主要係$228-$268不等，分三個時段17:00-18:30 / 18:45-20:45/ 21:00-23:00，亦都可以自選任何兩小時，多啲人黎食亦有優惠。食物選擇掃QRCODE落單，有刺身、手握壽司、火灸壽司、手卷、軍艦、黑松露壽司、新鮮沙律、前菜、炸物、天婦羅、串燒、爐端燒、一品料理、飯麵類、鍋物、火鍋配料、清酒／梅酒，仲有出面既自助飲品及甜品區。自助區飲品、甜品自己拎，甜品既種類比飲品多好多，雖然係咁，但因為有好多款比較特別既韓式飲品，都覺得可以回本，至於甜品亦係有好多韓國牌子供應。清酒/梅酒任飲！點餐後就會送一小瓶上枱，唔會嗆喉，唔錯。新鮮沙律、前菜叫左份鴨胸蘆薈沙律，正正常常，前菜嗌左泡菜、手拍青瓜，食膩左可以食下沙律/前菜消下膩。刺身留肚食其他野，所以刺身唔係食左好多款，但一場黎到就一定要試生八爪魚，皆因真係唔係到到都食到，即叫即劏，上
餐廳環境
位於商廈，都唔算難搵，不過商廈門口有啲細，好易Miss左，餐廳牆內有繽紛既畫做裝飾。
收費
價錢主要係$228-$268不等，分三個時段17:00-18:30 / 18:45-20:45/ 21:00-23:00，亦都可以自選任何兩小時，多啲人黎食亦有優惠。
食物選擇
掃QRCODE落單，有刺身、手握壽司、火灸壽司、手卷、軍艦、黑松露壽司、新鮮沙律、前菜、炸物、天婦羅、串燒、爐端燒、一品料理、飯麵類、鍋物、火鍋配料、清酒／梅酒，仲有出面既自助飲品及甜品區。
自助區
飲品、甜品自己拎，甜品既種類比飲品多好多，雖然係咁，但因為有好多款比較特別既韓式飲品，都覺得可以回本，至於甜品亦係有好多韓國牌子供應。
清酒/梅酒
任飲！點餐後就會送一小瓶上枱，唔會嗆喉，唔錯。
新鮮沙律、前菜
叫左份鴨胸蘆薈沙律，正正常常，前菜嗌左泡菜、手拍青瓜，食膩左可以食下沙律/前菜消下膩。
刺身
生八爪魚
29 瀏覽
0 讚好
0 留言
醬油蝦
35 瀏覽
0 讚好
0 留言
刺身
27 瀏覽
0 讚好
0 留言
留肚食其他野，所以刺身唔係食左好多款，但一場黎到就一定要試生八爪魚，皆因真係唔係到到都食到，即叫即劏，上枱時仲會郁，食落好彈牙，未試過既朋友唔洗係韓國都食到！而另外常有款式只係試左三文魚、吞拿魚、蟹棒、醬油蝦，全部食落都新鮮鮮甜，唔會有削既問題。
壽司
有手握壽司、火灸壽司、手卷、軍艦、黑松露壽司，共五款。試左油甘魚壽司、火灸芝士蟹棒壽司、火灸三文魚腩壽司、黑松露帶子壽司，油甘魚油香較弱，但味道都可以，火灸系列都燒得好靚仔，好香口，而黑松露帶子亦新鮮冇異味。不過壽司飯係正常係壽司店食既大小，想留肚食其他野既話就唔可叫咁多壽司。
串燒
沙嗲雞肉串
18 瀏覽
0 讚好
0 留言
串燒就試咗燒牛舌、燒雞翼同埋沙嗲雞肉串，牛舌唔會太韌，燒雞翼燒得唔錯，個皮脆脆地，入面唔會老哂，醃得幾入味，沙嗲雞肉串都幾惹味。
爐端燒
網燒牛仔骨
29 瀏覽
0 讚好
0 留言
火辣雞中翼
16 瀏覽
0 讚好
0 留言
爐端燒就食左網燒牛仔骨、鐵板紐西蘭羊架、火辣雞中翼，全部都好入味，最重要係唔會煮到/放到韌哂。
一品料理
豚肉炒年糕
24 瀏覽
0 讚好
0 留言
炒豚肉
13 瀏覽
0 讚好
0 留言
咖哩汁牛舌
17 瀏覽
0 讚好
0 留言
一品料理就叫左碟鐵板炒野菜食下，好有鑊氣，仲有清蒸小籠包，其實好驚會有伏，就算比錢係出面食小籠包好多都唔好食，呢到雖然個皮比較厚，但以放題黎講做到入面啲肉唔老有少少肉汁我已經好收貨，都食得過。豚肉炒年糕、避風塘炒魷魚鬚，兩碟份量都好多！豚肉為薄片，醃得好入味，年糕炒得QQ，避風塘炒魷魚鬚賣相十分好，可惜食落唔夠香口。店員仲每枱比咖哩汁牛舌，係新推菜式，牛舌煮到好腍，咖哩唔辣重椰奶味，但味道都唔錯。
炸物
有吉列廣島蠔、日本芝士年糕、脆炸香蕉、鮮魷魚蝦棒、紫心蕃薯脆餅、韓國蜜糖芥末醬炸雞、明太子鱆魚燒等等，鮮魷魚蝦棒幾特別，一條長長形狀咁，幾有咬口，而炸雞同鱆魚燒都可以，唔會炸粉太厚，可以叫黎試下。
甜品
重頭戲，有多款韓國雪條，有YOUGURT款，有朱古夸脆皮款，有水果款，仲有雪糕杯，同甜點，一定有款岩你口味。
二百幾蚊可以試下生八爪魚，其實仲有部隊鍋，但由於見到有人食好大個，怕食唔哂就無叫到，叫完部隊鍋仲可以加不同既火鍋料打邊爐，例如肥牛、丸類、辛辣麵等等，一定回到本，放題友又多一間選擇。
張貼
