啤啤Bear韓國包車 (已結業)

今日帶老竇食韓國嘢，估唔到喺諾士佛台有一間裝飾咁特別嘅餐廳，老竇仲影相呃人話去咗韓國😂Butter x garlic 無骨炸雞份量好多，調味唔算重，大大件😝大發！芝士鐵板黑松露炸醬拉麵非常邪惡嘅組合，仲可以做到拉絲效果。炸醬麵配芝士鐵板原來都幾夾，面質厚身，食落甜甜地。鐵板韓式烤鰻魚配紫菜老竇最鍾意食鰻魚，點埋韓式辣醬唔錯芝士鐵板辣炒小章魚又係一個極級邪惡嘅芝士餐，如果加多個飯嘅話會更加好食。食咗咁多熱氣嘢都要飲吓鬼佬涼茶熱情果啤酒酸酸地唔錯。Velvet 係由牛奶百利酒同埋玫瑰糖漿組成，飲落偏甜。