雪龍湯 (已結業)

好耐都冇食過韓國菜，今次等朋友放工後去左上環哩間新開韓國餐廳食晚餐，因為太夜費事食咁飽，就每人食左一個飯麵😜，晚市唔算多人，可以靜靜地食返餐！鰻魚烏冬($98)雖然餐廳以雪濃湯命名，但我麻麻地韓國既雪濃湯，所以簡簡單單揀左鰻魚烏冬😜，烏冬加錢轉左稻庭烏冬，湯底揀左豬骨湯😛。上枱時用左鐵鍋上，幾得意，烏冬煮得彈牙，鰻魚份量都幾多，食到尾都仲有😁。牛肉鐵板飯($128)朋友叫既鐵板飯，牛肉份量好多，食落好重口味岩曬我地胃口。套餐配埋海帶湯同前菜，味道都唔錯架，幾開胃。