Daily K food

營業中

休息中

係大水坑小小的富安花園商場中，橫巷中有間不算起眼的小店，賣韓國食物，有飯捲、蛋捲、魚糕、拌飯等等。店面雖小，但售賣的食物款式算多，普遍韓國地道小食都有得賣。d飯捲、蛋捲、涼拌小食已經一盒盒放咗喺枱面，即買即拎，魚糕就即刻煮。見佢一盒盒整好喺枱面，所以想食蛋捲都冇買，怕凍左唔好食。買咗牛肉飯捲，40幾蚊有少少貴，有10舊。牛肉唔算多，仲有生菜、蛋、蟹柳、紅蘿蔔、醜蘿蔔。雖然整好係枱面，但d紫菜唔會淋晒，個飯卷幾好食。食到d牛肉都ok，其他配料味道都夠，有麻油香味，飯唔會放到硬晒。魚糕，$20兩舊，唔算太大舊，可能都算有d貴。不過熱辣辣即整，個魚糕好香，而且算厚，最緊要個湯好濃好香，值得飲埋。值得再去試埋其他食物，支持小店。