cookedDeli by city'super (已結業)

行行下尖沙咀，又行到去海港城，基本上已經變咗每次去尖沙咀都必經嘅地方。個陣已經係夜晚，又唔想食得太貴，所以選擇係food court食個晚餐。不過係夜晚黃金食飯時間去搵位，真係好難搵。淨係等位同搵位都晒咗好多時間，所以食飯個陣都比較急趕，唔想太阻到人食飯。-天婦羅定食定食有齊章魚燒、烏冬同天婦羅丼飯，睇見都流口水。不過對一個女仔而言，呢個晚餐份量都幾多，所以最後我地係兩個人share一個餐。章魚燒味道正常，唔算太特別同大粒，但食落都ok。配上木魚絲同醬汁，味道頗開胃。天婦羅丼份量都好足，不過天婦羅味道就麻麻地啦。炸茄瓜呢類蔬菜其實切得頗大舊，而炸蝦唔算特別彈牙新鮮。反而我幾鍾意烏冬嘅味道，清淡又帶點清爽。