茶涮涮 (已結業)

呢個日本雪室熟成和牛壽喜燒（一人前）套餐簡直就係一個盛宴🤩有前菜、蟹肉沙律、特級刺身盛、日本雪室熟成和牛、鹿兒島A5和牛肉眼、季節野菜盤、稻庭烏冬／醬油月見飯、是日甜品😝先講講個特級刺身盛，生蠔食落超級滑口😳肉質肥美，鮮甜味濃🤤帆立貝肉質豐厚，口感滑溜😆之後員工非常貼心咁將雪室熟成和牛燒香，配上濃郁嘅壽喜燒汁。醬香四溢，令人食指大動🤤肉質細緻，油潤甘香😋鹿兒島A5和牛肉眼出名風味豐富，係和牛中嘅極品🏆鎖汁過後肉味香濃，與其話滿足食慾，不如話係撫慰心靈🥰🥰跟住落嚟嘅季節野菜盤估唔到咁好食😆因為個鍋煮完牛肉，令湯底多咗肉汁🤩蔬菜帶油脂香，層次豐富滋味無比！🙌🏻