新東記火鍋店 (已搬遷) 新店位置

最近天氣咁凍梗係去打邊爐啦, 今晚朋友約左我去新東記火鍋店打邊爐=]一坐低, 侍應先推架車仔黎比我地混醬，之後叫左jar竹蔗茅根水，好清甜！我地揀左個海底椰豬骨湯底，入面好足料，有海底椰、豬骨、紅蘿蔔、無花果、南北杏，湯底夠濃，亦甜！點左桂花蚌，食起來彈牙，帶點鮮味~另外, 叫左個自製三色丸，有墨魚丸、蝦丸、鯪魚球，啖啖都爽口彈牙！仲有必食既牛頸脊-中肥；偏瘦帶少許脂肪，牛肉薄薄地，淥幾下就食得！食落好重牛肉味，不靭亦不膩，真心推介 =]另外仲點左d 金菇、牛骨髓、芋絲、潮洲魚蛋、生菜～overall 食物質素好好，環境亦舒服，下次一定會再來！