順。越南牛肉粉

營業中

休息中

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。加$10可配汽水。去counter落order比錢之後等食物出。隔離就有位坐。蕃茄蟹膏蟹肉蝦丸扎肉湯檬 $72蕃茄蟹膏蟹肉蝦丸扎肉湯檬個湯果然係紅色，濃濃番茄味，甜甜地好好飲，呢個湯配幼身檬粉又幾夾。檬粉份量超多，食極都有，好滑溜！主角係一pat鹹香金黃色蟹膏同有唔少去殼蟹肉，好有蟹味，令成個湯好有蟹鮮味！蝦丸兩粒，呈淺橙色，都算彈牙。扎肉兩片，彈牙多汁。除左芽菜，仲有唔少新鮮番茄，面頭再加上芫荽。呢碗蕃茄蟹膏蟹肉蝦丸扎肉湯檬都幾豐富，而且味道又濃蟹味又濃鮮茄味，非常出色！順。生牛肉湯河 $56順。生牛肉湯河個湯好清，唔似有落味精，味道唔會太濃。生牛肉幾大片，口感味道都唔錯。伴有洋蔥圈，大量蔥條，芽菜，薄荷葉，蔥花同脆脆。另上一細片青檸同辣椒粒等你自己調味。河粉係幼身，好淋滑。會安雞絲扎肉湯河 $56會安雞絲扎肉湯河就有扎肉五片，口感彈牙當中有粒粒爽口好似軟骨粒，味道都唔錯；雞肉條唔少，好健康無脂肪，口感好淋。我覺得今日三款湯粉都各有千秋。食物保持一貫水準，中上環返工人仕可一試。