影片
更多
2016-12-08
622 瀏覽
朋友要工幹，所以就提早食生日飯。大家都係住觀塘附近，又搵下工廈既CAFE試，呢次呢間都真係有D水準。當晚係星期日，我地睇完戲上到去都七點半，接近九成FULL，所以要來試必先訂位。SET DINNER果晚唔太岩我地口胃，所以就散叫四樣野（估都估到點會兩個人會食得晒！），Caesar salad、fish & chips、nachos同truffles mushroom pizza。salad新鮮，d菜都“short short”聲，而且我鍾意佢隻半生熟蛋，係食之前打散佢，令到個沙律有d黏黏地既感覺，好特別而且係第一次咁食（好大鄉里添！）！之後就上fish & chips，我重申一次（其實我既comment都成日講），就係要係香港食到好好味既fish & chips其實係好難，咁耐以來都係得SOHO果間，所以你問我既話，fish就麻麻，個粉漿有D厚，CHIPS又炸到有D硬，所以就真係一般。相反，個nachos真係令我有驚喜，夠熱多醬多芝士，除左有黃色基本味之前，重有紅色同深紫色，味道同黃色係有唔同，朋友鍾意深紫色，我仍然偏愛黃色。去到呢度，其實我同朋友都已經好飽，食多塊pizza已經‥‥個
當晚係星期日，我地睇完戲上到去都七點半，接近九成FULL，所以要來試必先訂位。
SET DINNER果晚唔太岩我地口胃，所以就散叫四樣野（估都估到點會兩個人會食得晒！），Caesar salad、fish & chips、nachos同truffles mushroom pizza。
salad新鮮，d菜都“short short”聲，而且我鍾意佢隻半生熟蛋，係食之前打散佢，令到個沙律有d黏黏地既感覺，好特別而且係第一次咁食（好大鄉里添！）！之後就上fish & chips，我重申一次（其實我既comment都成日講），就係要係香港食到好好味既fish & chips其實係好難，咁耐以來都係得SOHO果間，所以你問我既話，fish就麻麻，個粉漿有D厚，CHIPS又炸到有D硬，所以就真係一般。相反，個nachos真係令我有驚喜，夠熱多醬多芝士，除左有黃色基本味之前，重有紅色同深紫色，味道同黃色係有唔同，朋友鍾意深紫色，我仍然偏愛黃色。去到呢度，其實我同朋友都已經好飽，食多塊pizza已經‥‥個餅底好脆，芝士味都重，而且truffles都味重，係無輕手去整，我打包回家第二日焗番來食，仍然都keep得住咁好味！
個場一家大細、情侶、一群朋友都有，因為餐單都岩唔同年齡去食。而且waiters/waitresses都好盡力工作，服務態度亦都好，所以如果下次有一大班人去觀塘搵工廈，呢度我都會考慮再試！
Caesar salad
28 瀏覽
0 讚好
0 留言
Fish & Chips
36 瀏覽
0 讚好
0 留言
Nachos
51 瀏覽
0 讚好
0 留言
Truffles and mushroom pizza
54 瀏覽
0 讚好
0 留言
張貼
