蘇三茶室 (已結業)

這間自己人生意，唔係私房，但感覺就好似去咗人哋屋企食飯。雖然無裝修，但可能因為係舊樓地鋪，樓底非常高，感覺還算可以。呢度雖然有餐牌，但如果真有興趣去試，我提議你預先打電話去訂位，一來枱唔多，二來預訂的食物，種類和味道同餐牌的確實有點出入。餐牌有的，味道可以接受，但如果預訂，跟老闆娘傾吓你想食乜，驚喜比較大。這晚我去食，朋友訂好菜，老闆娘自己落手落腳，多國菜式的精粹放在中菜式上，頗出色！相中所見，其中一味鴨胸，真係用血鴨的方式泡製，極惹味。另外一鍋海鮮炒飯，根本上是西班牙炒飯中煮，也不錯。第三幅是蕃茄雞鍋，我本身鍾意食蕃茄(男士到了中年，健康因素更大)，所以我特別推介。其他味味都算是合格以上，但性價比不太高。我唔食牛，宴客的朋友唔食豬和羊，所以只點了鴨和雞。聽講老闆娘整豬和羊都有一手，我下次一定會試。飲酒的朋友歡迎自備酒水，聽講話不收開瓶費的，但我唔飲酒，所以無問。