Zenon Café (裝修中)

喺中環平日last minute book lunch真係唔容易😂喺OpenRice 見到依間「人氣cafe」仲有位就一於試吓啦。去到坐低嗰吓已經覺得有啲唔自在，因為真係好逼！好明顯佢哋為咗做多啲生意就隔硬將啲枱擺到密密麻麻，而且因為防疫關係枱同枱之間要擺隔板，本身張枱已經細，擺完隔板都無咩位剩，同隔離啲人又坐得好近，成個感覺好狹窄好唔舒服，直程有啲似坐喺自修室一格格位嗰啲feel😩嗌咗個pasta, 雖然出得有啲慢但味道好彩都ok, 只係服務認真一般，明明樓面都唔少人，但有一兩個waitress 好似好忙咁行嚟行去但又唔係做到嘢咁👋🏼 整體用餐感覺唔太好，唔會再去。