影片
更多
2021-04-07
126 瀏覽
幸福堂係較早一代過江龍到港既台式手搖飲料，出名飲黑糖珍珠奶茶。今次試咗佢嘅茶系飲品，並非招牌黑糖珍奶，但一樣都好出色👍🏻呢間分店位於太子旺角一帶，店舖係轉角位，近金魚街，人流多，一眼睇到，並非難搵。又到4月天氣開始熱，肚餓又食唔落嚟，淨想飲杯嘢。想飲酸酸甜甜，又唔會太飽肚既，咁奶茶就算啦，果茶系列比較適合。呢杯好似都係店家推薦，三十幾蚊一杯，再對比返其它飲料店既size嚟講價錢唔算平，但質素唔錯，名叫玫瑰花瓣茶，可能真係用玫瑰花瓣沖，入口玫瑰味濃郁。單飲玫瑰茶又好似好齋，想加返少少料，有啲咬口會好啲😬一般飲珍珠奶茶都可以加料，除咗常見嘅黑糖珍珠之外，呢間仲有草莓珍珠(+$5)😍一開始怕草莓珍珠味道同玫瑰花茶味道唔夾，問一問職員，佢地都話自己未飲過唔知😂好彩出嚟唔單只外貌合拍，味道都好夾，而且成杯粉紅粉紅，少女心爆棚💕🥰仲要加埋嗰個蓋都係鑽石型，讚值一流❤️最佳打卡飲品😂要讚一讚呢間既服務態度做得十分之好，因為天氣好熱，但我又唔想飲太凍既野，所以落單嗰陣同職員講想少少少少冰，但佢話就算小冰都係固定冰量，一兩粒冰係做唔到，佢話整暖既就ok，我吩咐千祈唔好太熱，最後出嚟係常溫，太好☺️👍🏻。而且
呢間分店位於太子旺角一帶，店舖係轉角位，近金魚街，人流多，一眼睇到，並非難搵。
又到4月天氣開始熱，肚餓又食唔落嚟，淨想飲杯嘢。想飲酸酸甜甜，又唔會太飽肚既，咁奶茶就算啦，果茶系列比較適合。
呢杯好似都係店家推薦，三十幾蚊一杯，再對比返其它飲料店既size嚟講價錢唔算平，但質素唔錯，名叫玫瑰花瓣茶，可能真係用玫瑰花瓣沖，入口玫瑰味濃郁。
單飲玫瑰茶又好似好齋，想加返少少料，有啲咬口會好啲😬
一般飲珍珠奶茶都可以加料，除咗常見嘅黑糖珍珠之外，呢間仲有草莓珍珠(+$5)😍
一開始怕草莓珍珠味道同玫瑰花茶味道唔夾，問一問職員，佢地都話自己未飲過唔知😂好彩出嚟唔單只外貌合拍，味道都好夾，而且成杯粉紅粉紅，少女心爆棚💕🥰仲要加埋嗰個蓋都係鑽石型，讚值一流❤️最佳打卡飲品😂
要讚一讚呢間既服務態度做得十分之好，因為天氣好熱，但我又唔想飲太凍既野，所以落單嗰陣同職員講想少少少少冰，但佢話就算小冰都係固定冰量，一兩粒冰係做唔到，佢話整暖既就ok，我吩咐千祈唔好太熱，最後出嚟係常溫，太好☺️👍🏻。
而且我亦order唔想太甜，要少少少少甜，最後出嚟真係我想要既甜度，啱啱好👏🏻。而本身玫瑰茶都係帶少少酸味，落丁屎咁多糖可以中和少少酸味，最後出味道係酸中帶微甜，very nice😋
而且佢個草莓珍珠都做得非常之出色，口感超級煙韌，帶有微甜草莓香，份量夠哂多，飲完成杯仲剩好多珍珠。
呢杯既另一特色係加咗幾塊青檸片，篤爆之後，酸味會更加重，配搭本身酸酸地既玫瑰花茶嘅味道都算夾。
要講呢杯既缺點就係太細杯，勁快速度飲晒，但仲剩好多珍珠😂
有時夏天冇咩胃口，想飲啲野，飲呢杯就啱哂，酸酸甜甜，開胃。
讚石女神- 玫瑰花瓣茶
$32
8 瀏覽
0 讚好
0 留言
張貼
