醉美島 (已結業)

今日突然好想食串燒，元朗出名多野食，今次揀左工作附近的小店試下，叫醉美島。店內的座位雖然唔多，但都寬敞，吸煙的朋友仲可以坐出去，多一種選揀，適合同朋友一起小酌一杯傾下計！點餐用QR CODE落單，好方便，一見餐牌，發現價位大約都在幾十塊之間，不需要花大錢也能吃飽喝足，平價美味的串燒，就算點滿一桌也不心疼！我地都點左好多︰粒粒粟米串、醉美花肉、惹味牛舌、魷魚板串、肥牛金菇卷、燒雞軟骨。前菜係雞泡魚乾，好香酥，愈食愈滋味，停唔到口。肉類串燒，油脂夠多夠香，啖啖肉十分滿足，溫度夠可以鎖住口感不錯，調味恰到好處，好好食。而且食得出肉係先醃製再生燒，最後撒上孜然粉，肉嫩多汁，正。厚切牛舌係串燒必叫之選，表面微焦，外爽脆內軟腍，別有一番風味糯米粟，以一粒粒咁串起，食落口感會煙韌啲。蒜蓉茄子、秘汁鮑魚及娃娃菜必點，大大份，仲要好惹味，甜燒菠蘿，好甜好多汁。