影片
更多
2022-07-29
45 瀏覽
銅鑼灣一向都係美食天堂，好食嘅雞煲就坐落係渣甸街。餐廳環境光亮整潔，坐位闊落，可以坐得舒適。卡位同卡位之間仲有簾，可以放心同朋友傾計。馳名重慶辣雞煲今次叫左小辣，上枱已經聞到秘製重慶醬料嘅香味。等左一陣，滾起就食得。雞件大小平均、厚肉，真係啖啖肉。香料嘅味道唔會太過特出而蓋過其他味道，醬汁味道各方面都配合得好好，令雞嘅鮮味更為特出。廣島蠔4隻廚房會將生蠔放入雞煲先上枱，侍應提醒一滾起就先食生蠔，以免過熟影響口感。生蠔算好大粒，一咬即爆汁，十分juicy。鮮松露墨魚滑鐘意食黑松露嘅朋友絕對唔可以錯過，黑松露份量好多。落鍋煮完就聞到黑松露撲鼻嘅香味，味道同墨魚滑出奇地合襯。爽口彈牙不在話下，食得出墨魚香同新鮮嘅味道。鮮鵝腸油脂分布平均，口感爽滑爽脆脘片脘片肉厚大片，切得好靚，上枱已經係藝術品。由晶盈剔透到奶白嘅魚肉，食落口都係一種享受。彈牙得黎唔靭唔老，魚肉吸滿雞湯，十分驚喜。鐘意食魚嘅朋友必點！
銅鑼灣一向都係美食天堂，好食嘅雞煲就坐落係渣甸街。
餐廳環境光亮整潔，坐位闊落，可以坐得舒適。卡位同卡位之間仲有簾，可以放心同朋友傾計。
馳名重慶辣雞煲
今次叫左小辣，上枱已經聞到秘製重慶醬料嘅香味。等左一陣，滾起就食得。雞件大小平均、厚肉，真係啖啖肉。香料嘅味道唔會太過特出而蓋過其他味道，醬汁味道各方面都配合得好好，令雞嘅鮮味更為特出。
廣島蠔4隻
廚房會將生蠔放入雞煲先上枱，侍應提醒一滾起就先食生蠔，以免過熟影響口感。生蠔算好大粒，一咬即爆汁，十分juicy。
鮮松露墨魚滑
鐘意食黑松露嘅朋友絕對唔可以錯過，黑松露份量好多。落鍋煮完就聞到黑松露撲鼻嘅香味，味道同墨魚滑出奇地合襯。爽口彈牙不在話下，食得出墨魚香同新鮮嘅味道。
鮮鵝腸
油脂分布平均，口感爽滑
爽脆脘片
脘片肉厚大片，切得好靚，上枱已經係藝術品。由晶盈剔透到奶白嘅魚肉，食落口都係一種享受。彈牙得黎唔靭唔老，魚肉吸滿雞湯，十分驚喜。鐘意食魚嘅朋友必點！
張貼
