影片
更多
2016-09-27
634 瀏覽
愛群係老字號，但可惜風光不再。以前提起愛群，即係諗到抵食夾大件，今日再去，應該係最後一次。。。可能因為新裝修新門面，扒餐既價錢貴左10蚊左右，而今次想淡味少少，所以都係揀個最平既肉眼算，朋友食牛仔骨。肉眼比其他部位較軟身，肉質嫩腍，無咁重牛味。而我只要3成熟，鐵板上，黑椒汁，紅湯。以前羅宋湯味道香濃之餘好足料，但今次呢個十分稀，無左濃湯既感覺，而且好少雜菜，個湯偏酸了唔知係多單多到做唔切定係廚房無人，塊扒一上我就知中伏3成加鐵板，出到黎變5成我都接受到，可能你鐵板好熱，但我呢塊起碼7成。。。問waiter有無拎錯第2個嗰份俾我。一個字"無"就走開左，問都唔問下有咩問題-.-"算，照食，黑椒汁較正常，扒就真係熟過頭，外層已經過熟有點韌，影響左嫩既質感。而且比較薄身細塊，無乜肉汁。原來諗住黎滿足自己回憶下，點知。。。朋友對食無乜要求既都頂唔順。。。
以前提起愛群，即係諗到抵食夾大件，今日再去，應該係最後一次。。。
可能因為新裝修新門面，扒餐既價錢貴左10蚊左右，而今次想淡味少少，所以都係揀個最平既肉眼算，朋友食牛仔骨。
肉眼比其他部位較軟身，肉質嫩腍，無咁重牛味。而我只要3成熟，鐵板上，黑椒汁，紅湯。
以前羅宋湯味道香濃之餘好足料，但今次呢個十分稀，無左濃湯既感覺，而且好少雜菜，個湯偏酸了
唔知係多單多到做唔切定係廚房無人，塊扒一上我就知中伏3成加鐵板，出到黎變5成我都接受到，可能你鐵板好熱，但我呢塊起碼7成。。。問waiter有無拎錯第2個嗰份俾我。一個字"無"就走開左，問都唔問下有咩問題-.-"
算，照食，黑椒汁較正常，扒就真係熟過頭，外層已經過熟有點韌，影響左嫩既質感。而且比較薄身細塊，無乜肉汁。
原來諗住黎滿足自己回憶下，點知。。。朋友對食無乜要求既都頂唔順。。。
張貼