西環碼頭 (已結業)

近排食西餐食得多，有少少厭，同朋友商量下之後，決定食久違既海鮮！就試下呢間人地話幾好食既「西環碼頭」！佢係邊？咪就係係西環囉！哈哈，係海旁，環境真係唔錯，有室外，亦有室內。餐牌有兩款，有套餐既，亦有小菜單點既。幾個懶人唔想諗，就問下侍應有咩好推介！佢好耐心咁介紹左幾種唔同既野食，有海鮮塔，羊腩煲，雞煲...可惜小妹唔食得羊，所以最後就叫左雞煲啦！ 當雞煲黎到既時候，一大陣香味傳出黎，侍應都幾細心叫我地小心個煲熱，同埋周不時都幫我地睇下啲雞夠熱未！啲雞好滑，而且因為係細件上，所以好入味，份量都唔少！一開頭食果陣唔算太辣，但慢慢煲耐左，入面既汁蒸發多左既時候，開始愈黎愈辣！所以如果唔食得辣既人，就要早少少加湯啦！ 食完啲雞，就緊係到海鮮啦！！啲蝦好新鮮，岩岩送到黎果陣，啲腳仲有少少郁緊，擺落湯一陣，就拎起食得！蝦肉真係幾鮮甜，爽口，最緊要冇雪味，唔係平時係其他鋪頭食又霉又冇味既雪藏蝦。 到個元貝啦！其實可以揀聖子王，不過我中意食元貝多啲，哈哈！元貝幾大隻，放左入湯之後都唔會縮水縮得好勁。食既時候帶少少湯底既辣味，但又唔會蓋過啲本身元貝既甜味，真係唔錯！而且咬落去好易散開，好滋味！ 呢度既服