籽苗葉泰國餐廳

營業中

休息中

放咗工想同同事聚一聚， 比較就腳就係位於熊貓酒店嘅泰國餐廳。 呢間餐廳好適合 一家大細同朋友開心食返餐。店內環境好寬敞， 充滿住泰式嘅氣氛， 餐廳職員很多， 服務都好細心， 坐下來就會問你有咩需要， 值得一讚。我哋一行三人， 見到餐牌都有好多特色嘅泰菜， 選擇有很多。 我哋都眼闊肚窄， 叫咗好多碟東西。首先嚟過海南雞， 份量都唔少， 啖啖肉，好滋味。另外泰式菠蘿炒飯， 炒得好乾身好香口。再叫咗碟馬拉盞炒通菜， 好惹味！總結來說， 呢間餐廳好有人情味， 食物嘅味道都不錯， 下次都會來吃！