Muse Furniture Lab (裝修中)

香港地，唔係宜家傢俬先有餐室，呢間紅極一時既furniture lab，有得打卡有得睇又有得食，趁呢排無咁熱，直闖錦田去！坐室外位是常識吧，黑色增添左幾分格調，吹住微風幾寫意。嗌左兩個主菜，煙三文魚配奶油芝士法式可麗餅同埋白酒青口意大利粉，可麗餅味道上頗為平衡，鹹香三文魚搭配溫泉蛋，惜過於濕潤，變得太糊口。青口意粉穩陣之選，白酒汁充滿忌廉香氣，隻隻青口都飽滿。黑松露薯條搭配兩種醬汁，黑松露醬頗為美味，除了薯條外似乎意粉也能好好運用它。飲品三重奏：櫻花蜜桃梳打、蝶戀花荔枝冰、柚子沙冰，以造型取勝，冰內藏有櫻花瓣，少女心爆棚！麻糬綠茶餅的骰可愛，煙煙韌韌。這裡的甜品選擇不多，不知道能否增加選擇呢？