風月堂 (已結業)

今晚同老婆大人二人世界，老婆話要食西餐，我靜靜雞book左位，叫佢係佐敦等帶佢去食風月堂。以前風月堂都幾多分店，但執下一間，執下又一間，好彩仲有呢間！拿破崙雞肉意粉沙律配蜆肉脆湯包個汁甜甜地幾開胃，食落覺得似茄汁，除左雞肉之外仲有少量火腿無咁dry。個脆湯包幾特別，個包好似奶油豬脆脆地，湯好濃味，類似忌廉湯，蜆肉分量多，我比70分。燒牛舌平時食開薄薄的放題燒牛舌，好耐無食過厚的汁煮牛舌，牛舌爽口，咬落唔un，啲肉一絲一絲咁，個汁也調得好，燒汁的味道，咸咸地。我比70分。紫蘿蘭蘋果茶只能夠說Set杯好靚好有英式茶的感覺。蘋果味唔重，係淡淡清甜的蘋果味，至於紫蘿蘭？對不起，我聞到的是薰衣草味整杯茶都是苦苦澀澀的，需要加蜜糖先飲到，我比50分。甜品時間到了，老婆揀左雪糕串燒，三球雪糕用棒穿住挺特別的。士多啤梨味雪糕好味，香濃士多啤梨味。雪糕稍為凍左啲，一入口冰冰地，要等一陣先食到，賣相100分吧！