花月居酒屋

營業中

休息中

唔知呢間野係咪新開呢，入內環境覺得坐得幾舒服，人不多，真係旺中帶靜，隔離枱坐住幾個日本人，大家都唔聽得明大家講咩，除此以外就冇其他人啦。首先叫咗個鱈場蟹肉沙律蟹肉嘅份量都幾多，青瓜絲好爽口，仲有啲脆卜卜嘅魚子吊下味，口感亦好好。雜錦刺身就精彩啦！有成九款咁多，其中我最鍾意當然係海膽啦，幾鮮甜。三文魚腩亦都夠晒肥美，軟軟的三文魚肉，好香溜。拖羅出現了！爭食是無可避免的。黑豚肉朝鮮醬鍋講到明係朝鮮，咁應該唔係正宗日本野，但係我都幾欣賞呢個菜式，可以玩下fusion，醬汁甜得來幾香濃，啲黑豚肉幾爽滑，而且放入鍋之前已經煎香過，特別香口。啲菜煮得好入味，吸晒啲湯汁的味道，好惹味。雞翼燒得幾香，啲肉都夠乾身，外皮當然燒得好趣啦！真係食白果啊！原來燒白果食都幾得意嘅。雞肉紫蘇葉卷，估唔到紫蘇葉燒起上嚟咁香。