I Love You Dessert Bar (已結業)

自己試過整幾次梳乎厘pancake，但完全唔好食，仲要一煎就塔左。我都係出去買舖頭嘅食啦。一拎到手上就覺得外觀好靚，張底紙好襯，單憑外觀就已經加咗唔少分。佢嘅梳乎厘pancake好鬆軟，唔係食緊空氣，咬落係有質感係入面，完全唔係入口就消到泡泡咁虛無。好重蛋香味，有好少好少半熟feel。佢就咁食個pancake就無咩甜度，佢面頭會有糖霜、蜂蜜、一球雪糕同埋類似甜忌廉嘅配搭，一冰凍再加pancake嘅暖溫度，真係好好食。整體感覺偏鬆軟同埋滑嘅口感，如果可以加多啲脆脆或者有咬口嘅配搭，我相信無論口感定層次都會更加好。