影片
更多
2017-12-31
941 瀏覽
隔三幾個月就會食番次拉麵，對上一次喺三個月前晌灣仔嘅「幸屋」，拉麵算得上香港人頗鍾意嘅日食之一，不時都仲聽到新拉麵店開業，真喺開極都有，而每家拉麵店都有其獨有殺手鐧。今晚，同友人嚟到太子嘅「魂」，又會以咩應戰呢？依一截西洋菜街以酒吧居多，所以，深紅色布幡，再加上兩大個「拉麵」紅燈籠，遠處就認出店家。晌門口，見有個大大個易拉架作介紹，始知原來店家晌灣仔鵝頸橋屹立多年，真喺有點失閣晒。之前上網都大概了解過晒餐廳主打4款口味嘅拉麵，包括「魂」、「火魂」、「太極」及「青龍」，均以豚骨湯為基礎，除原味，另3款就加入唔同嘅味道作變化，分別喺蕃茄辣汁、墨魚汁和菠菜汁，猶如風雲變色。鋪外嘅螢光招牌更作簡單嘅介紹以吸引途人，晌黝黑嘅門面其實變得幾搶眼。入到鋪內，格局其實好簡單，左邊喺廚房，對出就喺一列面壁單丁位，一格格間開晒；而右方就喺4人為主嘅散格，有需要就拉番開啲為兩張2人枱。修簡比較簡單，小木枱、小木櫈、昏黃小燈，唔算話好大賣日本風。 反而，廚房上嘅海報倒吸引我，「日本產雞蛋使用店」自然令人對其用料增添信心。而枱下嘅小掛勾亦喺便民嘅設計！店家用上平板作餐牌加落單工具，一舉兩得，又環保。晌門口無留意
依一截西洋菜街以酒吧居多，所以，深紅色布幡，再加上兩大個「拉麵」紅燈籠，遠處就認出店家。晌門口，見有個大大個易拉架作介紹，始知原來店家晌灣仔鵝頸橋屹立多年，真喺有點失閣晒。
之前上網都大概了解過晒餐廳主打4款口味嘅拉麵，包括「魂」、「火魂」、「太極」及「青龍」，均以豚骨湯為基礎，除原味，另3款就加入唔同嘅味道作變化，分別喺蕃茄辣汁、墨魚汁和菠菜汁，猶如風雲變色。鋪外嘅螢光招牌更作簡單嘅介紹以吸引途人，晌黝黑嘅門面其實變得幾搶眼。
入到鋪內，格局其實好簡單，左邊喺廚房，對出就喺一列面壁單丁位，一格格間開晒；而右方就喺4人為主嘅散格，有需要就拉番開啲為兩張2人枱。修簡比較簡單，小木枱、小木櫈、昏黃小燈，唔算話好大賣日本風。
反而，廚房上嘅海報倒吸引我，「日本產雞蛋使用店」自然令人對其用料增添信心。
而枱下嘅小掛勾亦喺便民嘅設計！
店家用上平板作餐牌加落單工具，一舉兩得，又環保。晌門口無留意個螢光菜牌無緊要，晌平板裡一樣有詳細介紹，而拉麵嘅麵條軟硬度、多湯少湯、配料多寡都有得逐樣揀。
此外，叉燒、配料、拉麵一如大部分拉麵店，可以追加。
怕食碗拉麵唔夠喉，就不妨試試小食，店家提供4款小食，每款都唔過廿蚊，一試無妨，順帶一提全日仲免收加一添。
飲品方面，非酒精有汽水及日本波子汽水，較特別喺有一款日本梅子雪碧，就連汽水選項都有多冰、少冰揀，可見處處都顯得人性化，而酒精類就有數款罐裝嘅日本啤酒。
八爪魚波波 $18見其有特別嘅海報作介紹，所以，都專登點一客嚟試試，一客有三粒，上枱時熱辣辣。初時以為類似章魚燒，但入口比較彈牙，無章魚燒咁粉，而且，裡面有唔少八瓜魚粒，煙煙韌韌，配點甜酸醬食，又真喺唔錯喎。
太極 $99再介紹吓，湯底喺以濃郁嘅豬骨湯加上墨魚汁，配料有日式叉燒，再加上一抹蟹膏同金萡，顯得幾貴氣架，仲伴有溫泉蛋、木耳絲、蔥花、鳴門卷及紫菜。
拉麵一向都喜歡硬麵，覺得口感性強啲，食落果然有韌勁。
叉燒薄切帶肥，本來想夾起嚟影張大特寫，不過，挾起即散，但質感唔錯，軟腍有點脂香。
半凝半溶嘅溏心蛋，相信都難唔到啲拉麵店，流心嘅蛋漿好香濃，加上話明喺日本蛋，自然要加分。不過，煮得仍有少少過火，蛋黃邊喺熟過籠，要扣番少少分。
湯色一白一黑，營造「太極」效果，當然，冚咗咁多配料，效果唔會太明顯啦。然而，入口幾香豬骨味，濃得嚟唔會太漿口，亦唔覺油膩，個人覺得啱啱好，所以，小弟真喺幫佢清晒成碗湯架，話時話，碗拉麵貴就喺貴在啲湯嘛。雖然話加咗蟹膏，但唔會話突然鮮味到不得了，只喺賣相上搶到點。
青龍 $99青龍只有晚上六點後才有供應，無詳問究竟，但想呢款拉麵嘅朋友要注意喇。青龍以濃郁嘅豬骨湯搭菠菜汁，除日式叉燒，仲有溏心蛋、蟹棒、蟹肉、魚子醬，以及露筍仔、蜜糖豆、粟米粒、蔥花、鳴門卷及紫菜和蔥花，材料豐富，感覺予人清新。友人話湯底出奇嘅清爽，完全無油膩感，仲帶帶微微菠菜香，而蟹棒、蟹肉配黑魚籽超好食，鹹鮮極致；拉麵選中硬度，好襯個湯，其他配料亦好食。
日本梅子雪碧汽水 $18食拉麵普遍都喺濃味嘅湯底居多，尤其豬骨湯，雖然「魂」嘅湯底已經算喺濃而不膩，但配上呢杯特種雪碧效果更理想，加咗梅子令汽水有股酸香，梳打嘅汽讓人有種爽快感，所以，飲咗呢杯汽水彷彿有份鮮膩感。
「魂」嘅出品的確喺唔錯，怪不得之前晌灣仔區做咗咁多年，嚴選4款拉麵出品，幾款小食，做得專啲，貴精不貴多，總好過款多出品唔得。
張貼
