魂 (已結業)

老公喜歡吃拉麵這次他就帶我來到太子這邊吃拉麵星期六8pm的晚飯時間，不用等位，直接能入座店面都算寬敞但食客不算多第一次光顧我就選最基本的魂拉麵老公就選青龍拉麵魂拉麵，豬骨湯底配料有叉燒﹑溏沁蛋﹑紫菜﹑木耳及鳴門卷先嚐湯頭，豬骨湯香濃，不會太油膩也不會過鹹！濃得帶點黏稠的膠質！叉燒一大片，肥瘦剛好，夠軟稔～～～溏沁蛋夠流心又香，正！！麵質的軟硬度亦剛剛好吃完整碗也沒有膩滯感！青龍拉麵，湯是綠色的，因為那是秘製菠菜汁配豬骨湯啊！！配料亦相當多，基本的配料和魂拉麵一樣，另外還有蟹肉﹑魚子醬﹑粟米﹑蘆筍和蜜糖豆以為大堆頭，其實每樣配料都只得一件蟹肉就是一條蟹棒魚子醬的份量好少好少，應該也沒什麼提味之效嚐了一口湯頭，以為會好重草青味，幸好不會，味道幾香～～但我還是喜歡豬骨湯多點！老公就完食一整碗拉麵，他個人覺得青龍拉麵幾好食丫！！總結來說，兩款拉麵都不錯啊～～店員的服務亦佳，幾主動！

差差差 冷氣唔夠，仲熱過大排檔，落完單又漏單。碗麵不知所謂，完全無味！要係咁加七咪粉！d小食全部用光波爐整熱。難食到嘔！講真收得咁既價錢，唔該有返少少水準，我敢肯定食（譚女）一定好食過依間.......

對於一向都好中意食拉麵既我，琴晚又搵到一間幾好食既拉麵，係太子，完全係小店格局，入到舖頭個個都熱情招待，店員好似冇制服既，份外有種溫馨感我叫左一個綠色既拉麵，叫咩名都已經唔記得左， 店員話係菠菜湯底， 湯底味道真係好濃沃， 店員仲特登問我鍾意啲麵食淋啲定食軟啲，有選擇之餘仲可以另外再加蛋同埋加叉燒，感覺好好下次要再黎食個火魂拉麵，好似都好好食

其實香港人真係好鍾意排隊，但身為拉麵迷，食到好食拉麵梗係開心share喇！排左好耐先入到去，去到魂入面唔算太大，但有一番日本街頭風的感覺。而香港的拉麵店很多，當中固然不乏日本過江龍。招牌魂拉麵：第一樣緊係飲佢個湯，而個湯有好濃豬骨味，唔會太油膩，而且味道剛好唔會過咸。拉麵彈牙同爽口，好有質感唔會好淋，而义燒肥瘦平均煮得好淋，食落去會非常溶化，而整體份量足夠，唔會話食兩啖就食完，而且最正仲有半隻糖心蛋，好好味。

早幾日喺太子附近收工，由於太肚餓嘅關係喺附近見到呢間拉麵店就入去由於早幾日熱到不得了咁啱喺餐牌入邊見到佢哋有涼拌拉麵，於是就試一試涼拌拉麵比起其他湯麵價錢平啲，但係配料依然都有一大塊叉燒同半隻糖心蛋，扺食！另外佢嘅味道簡直係夏天最佳拉麵啊，醬汁好重芝麻香，而且漿料同拉麵本身一樣都係冰涼，識食落非常清爽同口感彈牙另外叫咗佢哋一份炸雞，20幾蚊份量都唔少，而且非常熱辣辣，一定係即叫即炸，好趣口食咗咁透心涼嘅拉麵配埋支波子汽水簡直係一流！

見到咁多讚，即管去試吓。火魂拉麵聲稱有三文魚肉碎，最初搵極都搵唔到，原來只有細過粒波子咁多，仲要俾紅椒絲遮住，遇著心急人一夾起啲麵就睇佢唔到。講到味道，湯底係蕃茄少辣，有驚喜，义燒略嫌薄而細塊，仲要得一件，大食嘅應該滿足唔到。整體都算好味。太極拉麵聲稱有蟹膏，又係只有細過粒波子咁多，不過放咗喺中間上面，都睇到。呢個八爪魚丸配現成甜酸醬好普通，好普通，可以唔食。呢個炸雞又係配現成甜酸醬，全部係炸粉，幾乎食唔到有雞肉，總結，淨係去食拉麵好啦。

今日行完旺角花墟，想係附近揾間舖頭醫肚。行行下，見到‘魂’呢間拉麵店，係門口已經感受到濃厚嘅日本氣息。走進店內，只有幾張枱及幾個吧枱位置，吧枱前掛滿紅色小旗，仿如置身在日本的小型拉麵店🤣每張枱都有一個iPad 供客人落單，店員還十分主動教我使用，自助落單亦十分方便。拉麵湯底共有4款，ipad內有介紹湯底及配料，十分細心。最后，我選了青龍拉麵🥰🥰等了一會，綠色湯底的青龍拉麵來了😍湯底與拉麵都是綠色的，很特別😆每次食拉麵前，我一定會先飲一啖湯底。起初有啲擔心湯底會很古怪，但當我飲左一啖，味道不錯啊！真的好好奇湯底係用咩做😝拉麵整體不錯，賣相與味道都很好，唯獨配料有點小....蟹肉也比我預期中少😂😂😂

呢日約左個朋友放工食個飯, 近近地就約喺我公司附近啦~就係我公司附近有間拉麵店-魂,我喺度做左幾年野都冇食過啵, 咁呢晚就同朋友試下佢好冇食囉~魂拉麵 $89拉麵有一大片叉燒~叉燒肥度適中, 入口即溶呀!溏心蛋都做得唔錯~有半隻~本身個拉麵有木耳的,但我麻麻, 所以我走左木耳~湯底好濃郁好杰身,豬骨味濃!琥珀伴麵 $79呢度除左湯拉麵仲有伴麵可以食,我地見OPENRICE都好多人推薦呀, 所以我朋友叫左來試, 佢話都幾好味呀~酸酸甜甜好開胃!朋友大食D, 佢另加左半只玉子同一塊叉燒, $23。日式豚肉煎餃子 $22外皮煎到勁脆!中意香口野嘅人必食!日式炸雞塊 $25呢個又係即叫即炸,又係勁脆呀!日本Hata士多啤梨味波子汽水 $18士多啤梨味波子汽水我未飲過, 都幾好飲的!埋單$256。都唔錯呀!有下次!

嚟到太子我我哋找間嘢食， 見到一間外表幾傳統的日式拉麵就入去試下睇落唔係貴尤其是定食， 青魚定食才48元青魚大大件， 魚味 豐富， 唧兩滴檸檬汁落去剛剛好調出魚的鮮味我就叫咗個火焰拉麵， 火焰拉麵啲麵底軟中帶硬最正就係個豬骨湯底， 完全冇味精用豬骨湯淆足一日一夜。日式叉燒大大件入口即溶， 愛上糖心蛋一流配搭之後就叫咗杯紅棗桂圓肉茶， 暖暖胃非常之 進 補。桂圓肉好爽甜， 杯嘢唔使落堂已經好好飲最後就叫咗一客日式餃子， 日式餃子外殼煎到脆卜卜， 內裏卻肉質鮮嫩。

香港日本拉麵嚟嚟去去都係咁嘅味道，好似冇乜特別， 去嘅時候都冇懷住特別嘅心情， 價錢亦相約不過，雞泡魚乾價錢較吸引， 所以就試一試。火魂拉麵是個不錯選擇有少少辣味， 又唔會太搶喉，小朋友如果鍾意辣都食到， 不過上嘅時候湯比較少，所以比較濃， 服務員有講可以加湯，不過都費事麻煩叫佢加，如果湯可以多少少更加好。至於個魚乾，以咁嘅價錢真係十分吸引，十分抵食，希望佢唔好加價。 好多時魚乾都會燒得太乾，有啲柴魚嘅感覺，但係呢個啱啱好，好軟熟好入味呢！

今天與男朋友到了太子逛街，經過這一間日式拉麵餐廳，就已經被門面深深吸引著散發著濃厚的日本氣息店員十分有禮貌地介紹一下餐廳的食品，每一張桌面上都有一部iPad 方便客人下單，十分之方便經店員推薦我琥珀伴麵 （$79）芝麻伴醬十分惹味太極拉麵（$99）湯底濃郁，麵的口感亦可除個人口味已作出更改八爪魚波波（$22）雖然賣相不太吸引，但八爪魚波波的口感十分脆口日式豚肉餃子（$22）來到日式料理餐廳當然要叫一下餃子，皮薄多汁，配上獨特醬汁👍

今天，我和我的大學好姊妹約了一起晚膳，順便談談大家的近況。由於好姊妹十分喜歡吃拉麵的關係，所以我們選擇了「魂」這一間拉麵店，結果我們都很喜歡❤️這間拉麵店用平板電腦來下單， 十分方便呢！我先點了一杯雪碧梅子汽水，雪碧加上酸酸甜甜的味道，感覺非常清新。而我點了琥珀拉麵，是一種特別的拉麵拌麵，配上麻醬後，拉麵感覺清新而且還有豐富的配料，如粟米、糖心蛋、蟹柳等等。我還加上了木耳，吃起來更有口感呢。而我的姊妹則點了青龍拉麵，是充滿蔬菜及青綠的味道，而且還配上了荀、青豆、粟米，感覺十分健康。最後點了清酒煮蜆，蜆肉十分鮮甜，很新鮮，配上了清酒，味道簡直是絕配。

自從搬離市中心後已經很久沒有在太子搵食剛巧今天晚上經過太子警署本來想吃米線但沒有開門突然間想起魂進到店內很純熟地用tablet落單繼續選擇火魂已經不是第一次吃見到店內只有三個食飯其實有點兒擔心難道水準差了？熱騰騰的拉麵類面既主菜 配菜放得很整齊火魂的湯底依然濃郁如果我沒有記錯火魂是有放三文魚做湯底的依然是我印象難忘的湯底麵底依然可以掛湯糖心蛋依然很美味紫菜仍然是脆的可惜叉燒只有薄薄的一片但湯底可以補充這缺陷最後將整碗湯喝了火魂 下次再見

我本身係由佢係銅鑼灣已經好鐘意食佢既拉麵，食左好多次，但搬左之後因爲比較遠（我住港島），所以就無再黎過食佢啦。今日諗住重溫舊夢，搵番以前既味道，星期六大約六點幾我到左店鋪，得一個客人，都覺得有點奇怪，因為以前既人氣係未開店已經好多人係門口排隊，莫非已經人氣不再？再望一望煮麵師父，清一色年輕香港師父，我唔係話年輕香港師父做唔出好味拉麵，只係睇起黎，同以前比較，係換左師父。我叫左個青龍 $99，下圖係完全未食過，一上枱我都覺得，點解咁少湯咁少蟹肉，咁我就試一啖湯，係完全完全無味，係乜野味都無，好似清湯咁，更唔好講有豚骨味，因為個湯太稀，完全掛唔到上麵，所以食起上黎，係完全無湯，好似食緊清湯拉麵咁，極個拉麵合格既只有紫菜同蛋，麵身都係無以前既口感。我本身對拉麵好少講唔好食，但呢間我會講，可能半價我都唔會回頭食，只能夠講呢間拉麵真係唔岩我口味，同埋真係好失望，畢竟佢以前係我係香港最鐘意食既拉麵店。

星期五晚上6:4xpm入座，2人可直入唔洗等當時店內客人不多，我們2人去可坐4人座店內裝潢有日式風情，有紅色小旗掛喺度，亦有供一個人獨吃的吧檯位置店內每檯設有ipad讓客人自行點餐，都易操作嘅，店員亦會主動教你售賣拉麵款式只有4款4款之不同大都是在於湯底我們點了魂拉麵，是基本豬骨湯底火魂拉麵是辣的，其他2款好像是黑蒜和蔥味，ipad內有文字介紹每款拉麵湯底和配料10分鐘左右就上菜魂拉麵用小盤盛載，既方便侍應將食物和餐具一同上桌和收拾，亦好有日式家庭料理用餐盤的感覺先試紫菜，脆身唔淋點了硬麵，湯濃度為中，多蔥配料在冇額外加錢下有紫菜x1，竹輪卷x2，薄叉燒x1，溏心醬油蛋x0.5先呷一口湯點了濃度為中，但入口都夠濃厚，是豬骨湯，咀唇有啓黏黏的膠原感飲完冇口渴，有膠質，醇厚香濃，飲左好多啖湯麵夠硬身，啱我曲曲的麵條掛到濃湯，每啖都好淺味溏心蛋，蛋白有醬油醃漬的風味，蛋黃好流心小吃點了煎餃子配餃子汁和章魚小丸子配酸甜醬餃子$22/3隻大隻嘅，上桌時是熱的，即煎唯一要點評的是餃子內餡雖多，但少菜多肉，所以內餡好厚實，我鐘意多啲菜，令內餡清爽一些章魚小丸子也是$22/3粒配甜酸醬以為係日本嗰啲用